• USD 389.52
  • EUR 429.21
  • RUB 6.07
  • CNY 54.94
15 Qazan, 10:27:01
Ermekbaev: Jumys qaýipti, ómirleri úshin qaýip-qater bar

09 Qazan, 2019 Aımaqtar

Jambyldyq jastar jańa tehnologııalardyń tilin jetik jeńgergen

Qazaqstan Jastar Kongresi men Qazaqstan halqy Assambleıasy uıymdastyryp jatqan «QHA Jastar Sınergııasy Forýmy» jas IT-mamandary qoldaý jobasy Jambyl oblysynda jalǵasyn tapty. M.H.Dýlatı atyndaǵy Taraz memlekettik ýnıversıtetiniń bazasynda ótken oblystyq irikteýde joǵary, arnaýly orta oqý oryndarynyń stýdentteri men birge aýyl mektepteriniń oqýshylary baq synady. Nátıjesinde 5 úzdik joba respýblıkalyq birinshilikke joldama aldy, dep jazady Qamshy.kz aqparat agenttigi. 

Oblystyq irikteýdiń ashylý saltanatyna Nur-Sultan qalasynan arnaıy kelgen joba menedjeri Máýlen Moldabekov «QHA Jastar Sınergııasy Forýmy» jas IT-mamandary qoldaý sharasynyń respýblıkalyq deńgeıine elimizdiń ár aımaǵynan iriktelgen eń úzdik 80 jobanyń qatysatynyn aıtady.

–Nur-Sultan qalasynda ótetin jobanyń aqtyq kezeńine Elbasy-Tuńǵysh Prezıdent Nursultan Nazarbaev qatysady. Eń úzdik jobalardyń avtorlary qarjylaı syıaqyǵa ıe bolyp qana qoımaı sondaǵy myqty ınvestorlarmen jumys jasaýǵa kelisim shartqa da qol jetkizbek,–deıdi joba menedjeri.

Al M.H.Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov bul sharanyń Jastar jyly aıasynda oıy ushqyr, jańa tehnologııany jetik meńgergen órenderdiń múmkindigin baǵamdap, jan-jaqty qoldaý kórsetýdegi róline aıryqsha toqtalyp ótti.

–Jalpy bizdiń ýnıversıtette Jastar jyly bastalǵaly aqparattyq tehnologııalar salasyndaǵy daryndy stýdentterdi taný maqsatynda birneshe IT jobalar baıqaýy ótkizildi. Alǵashynda qalalyq deńgeıde ótkizilip júrgen bul saıystyń aýqymy keńeıip búginde aımaqtyq sıpat aldy. Jaqynda stýdentter men oqýshylar arasynda robototehnıka boıynsha baıqaýǵa uıymdastyrdyq. Ýnıersıtetimizdiń talantty jastarynan quralǵan Enactus TarSU komandasy álemniń 38 memleketinen kelgen órendermen birge Amerıka Qurama Shtattarynyń San-Hose qalasynda ótken búkilálemdik chempıonatqa qatysty. Bul óńirlik deńgeıdegi ýnıversıtet stýdentteri úshin úlken jetistik,–deıdi Mahmetǵalı Nurǵalıuly.

Kelesi sátte oblystyq irikteý baıqaýyna qatysýshylar M.H. Dýlatı atyndaǵy Taraz memlekettik ýnıversıteti «Aqparattyq júıeler» kafedrasynyń oqytýshysy Erbol Mýsınovtyń «web-tehnologııalar» taqyrybyndaǵy sheberlik dárisin tyńdady. Munan soń qatysýshylar óz jobalaryn qorǵady. Tús aýa barlyq jobalardy saralap shyqqan konkýrstyq komıssııa jalpy 9jobanyń 5-eýin respýblıkalyq kezeńge jiberýge bolady dep tanydy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir