• USD 468.56

  • EUR 497.56

  • RUB 7.3

  • CNY 67.18

28 Naýryz, 21:56:27
Almaty
+35°

Qazaqstan Respýblıkasy Prezıdenti Qasym-Jomart Toqaevtyń Jambyl oblysyna jasaǵan saparynda Almaty, Shymkent qalalary men Almaty, Jambyl,Túrkistan oblystarynda ótetin «Jańa Jibek joly» ekspedısııalyq baǵytyn týrıstik áleýetin arttyrýda paıdalaný, bul baǵytta ınfraqurylymdardy jetildirýde ınvestısııa tartý sekildi júıeli jumystardy uıymdastyrýdy tapsyrǵan bolatyn. Prezıdent pármen bergen tapsyrmany oryndaý maqsatynda oblys ákimdigi týrızm basqarmasynyń «Jańa Jibek joly» týrıstik jobasyn jasap, respýblıkanyń ońtústik óńirlerin qamtyǵan ekskýrsııa uıymdastyrýda, dep jazady Qamshy.kz aqparat agenttigi. 

Atalǵan ekskýrsııa aıasyna sala mamandary jańa týrıstik baǵyttardy túzý úshin óńirlerdegi kıeli jerlerdi, tarıhı, mádenı oryndardy aralap, olarda zertteý jumystaryn júrgizedi. Sondaı-aq ishki týrızmdi damytýdyń alǵysharty sanalatyn bul shara aıasynda oblystardyń aýmaǵyndaǵy, shekaralarynda turǵan týrıstik nysandar fotosýretterge men vıdeorolıkterge túsirilmek. Olardyń qazirgi hal-ahýaly jaıyndaǵy aqparattar da jınaqtalatyn bolady. Týrızm basqarmasy qolǵa alǵan jobanyń aýmaǵy halyqaralyq sıpat alatyn syńaıly.

–«Jańa Jibek joly» týrıstik baǵyty Qytaıdyń Sınszıan-Uıǵyr avtonomııalyq aýdanynan bastalyp, elimizdegi Almaty, Jambyl, Túrkistan oblystary men Almaty, Shymkent qalalaryn qamtıdy. Sonymen birge jańa halyqaralyq týrıstik baǵytqa О́zbekstan Respýblıkasynyń aýmaǵyndaǵy tarıhı-mádenı oryndar engiziledi,–deıdi oblys ákimdigi týrızm basqarmasynyń basshysy Qarlyǵash Aralbekova.

Jańa týrıstik baǵytqa enetin nysandardy ınfraqurylymdyq turǵydan jetildirý isin oblystyq týrızm basqarmsy kórshiles oblystar men Shymkent, Almaty qalalaryndaǵy áriptesterimen birlese talqylady. Bul máseleler óńiraralyq jumys toby otyrysynyń kún tártibine qoıyldy. Atalǵan jumys tobynyń otyrysyna oblystar men qalalardan kelgen ókilderi óz aımaqtarynda jańa týrıstik baǵytqa engen nysandardyń tarıhı mańyzy, onyń búgingi jaǵdaıy týrasynda málimetterimen bólisti. 3 kúnge sozylǵan jıyn qonaqtary jańa týrıstik baǵytqa Jambyl oblysynan engen nysandardyń da jaı-kúıimen tanysý maqsatynda Taraz qalasy, T.Rysqulov, Merki, Shý,Qordaı aýdandarynda boldy. Bul issaparlarda ishki týrızmdi damytý máselesine qatysty usynystar men ózekti máselelerdi sheshý jaıy talqylandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir