• USD 389.52
  • EUR 429.21
  • RUB 6.07
  • CNY 54.94
18 Qazan, 13:08:22
Sarapshylar joldaýdyń júzege asyrylýyn talqylady

09 Qazan, 2019 Aımaqtar

Jańatas temir jol stansııasy júk tasymaldaý kólemin arttyrdy

Jańatas temir jol stansııasy oblystaǵy júk tasymaldaý isindegi kóshbasshy stansııa sanalady. Ári ol osy óńirdegi ken óndirý isindegi alpaýyt kásiporyndarynyń ónimderin tasymaldaý mıssııasyn minsiz oryndap keledi. Munda qazir táýligine túrli baǵyttar boıynsha 128 vagon fosfor rýdasy men fosfor uny ishki, syrtqy naryqqa jol tartýda, dep jazady Qamshy.kz aqparat agenttigi. 

Negizinen aǵymdaǵy jyly irgetasy qalanǵany 50 jyl tolǵan Jańatas qalasyndaǵy temir jol stansııasynyń tarıhy ári de jatyr. Bul mańda kenniń mol qory barlanǵan sátten ony ıgerý isine bilikti sybanyp kirisken Keńes Odaǵy bul jumysty ólkege temir jol jelisin tartýdan bastady. Osylaısha 1963 jyly qazirgi Jańatas qalasyna temir jol jetkizildi. Bul óndiristiń qalanyń qurylysyn júrgizý, ondaǵy kendi ıegerý, tasymal isine tyńnan túren saldy.

Búginde stansııa áleýetti tapsyrys berýshileri qoıǵan talaptyń údesinen shyǵýda materıaldy-tehnıkalyq bazasyn nyǵaıtýǵa ıek artqan. Ári olardyń «QazFosfat», «EýroHım Qarataý» jaýapkershiligi shekteýli seriktestikterimen áriptestik ornatýy Jańatas temir jol stansııasynyń halyqaralyq júk tasymaly salasyndaǵy áleýetin tanyta bastady.

–Jalpy Jańatas temir jol stansııasy 2 klasty stansııa sanalady. Bul stansııasy temir joldaǵy júk tasylmaldaý isinde oblys boıynsha kósh basynda keledi. Táýligine jańatastyq temirjolshylar 128 vagon fosfor rýda men fosfor unyn tıep, tıisti baǵyttarǵa jóneltedi. Fosfor rýdasy temir jolmen Asa stansııasyna, al fosfor uny Shaıqoryq stansııasyna deıin jetkizedi. Odan bólek osyndaǵy Sozaq stansııasynan táýligine 50 vagonǵa hımııalyq qyshqyldar men tabıǵı ýran júkteledi. Bul ónimder osy jerden Reseı men Qytaıǵa qaraı jol tartady. Sońǵy jyldary bizdegi júk tasymaldaý kólemi 3 esege artty. Sáıkesinshe stansııanyń klass deńgeıin 1 klasqa aýystyrýǵa nıet etip otyrmyz. Sol arqyly temirjolshylardyń jalaqysyn kóbeıtý, shtat sanyn ulǵaıtýǵa qol jetkizemiz. Búginde stansııada 123 adam jumys jasaıdy,–deıdi stansııa bastyǵy Nurbek Asqanbaıuly.

Qazir stansııa arqyly «EýroHım Qarataý» kompanııasy óz ónimderin Soltústik Kavkaz temir jol jelisindegi Belorechensk stansısy men О́zbekstan temir jol jelisindegi Ozodlık stansııasyna jóneltýde. О́ńirdegi hımııa ónerkásibiniń alpaýyttarynan bólek stansııasy «Jaras» munaı bazasy, munaı óńdeý zaýyty, «Aıanat» munaı ónimderi, «Asyl tuz» sekildi kompanııalardyń da ónimderin tasymaldaý boıynsha tapsyrystaryn talapqa saı oryndaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir