• USD 389.52
  • EUR 429.21
  • RUB 6.07
  • CNY 54.94
17 Qazan, 12:03:08
Prezıdenttik jastar kadr rezervine irikteýdiń kelesi kezeńine 904 qatysýshy ótti

09 Qazan, 2019 Aımaqtar

1673 dana gaz saraptaýysh qondyrǵysy ornatyldy

Jambyl oblystyq tótenshe jaǵdaılar departamenti, Taraz qalalyq tótenshe jaǵdaılar basqarmasy jáne «QazTransGazAımaq» aksıonerlik qoǵamy Jambyl óndiristik fılıalynyń qyzmetkerleri birlesip, órt qaýipsizdik aılyǵyn ótkizdi. Atalmysh aılyq aıasynda jeke turǵyn úı sektorynda gaz saraptaýysh qondyrǵylar ornatyldy, dep jazady Qamshy.kz aqparat agenttigi. 

Jylytý maýsymynda tabıǵı gazdardan ýlaný faktisine jol bermeý maqsatynda uıymdastyrylyp otyrǵan shara aıasynda Taraz qalasyndaǵy jeke turǵyn úılerge 1673 dana gaz saraptaýysh qurylǵysy ornatylǵan. Olar negizinen kóp balaly jáne az qamtamasyz etilgen otbasylardyń turǵyn úılerine qoıyldy. О́z kezeginde bul qondyrǵy turǵyn úıdegi gaz aǵymyn rettep onyń mólsheri tıisti normadan aýytqyǵan jaǵdaıda avtomatty túrde tıisti organdarǵa sıgnal beredi.

–Jyl basynan beri Taraz qalasynyń ózinde tabıǵı gazben ýlanýdyń 3 deregi tirkelip, atalǵan oqıǵalardyń saldarynan 1 adam qaza taýyp, 4 adam zardap shekti. Osynaý keleńsizdikterdiń aldyn alý maqsatynda turǵyn úıde avtonomdy belgi bergish nemese gaz saraptaýysh qurylǵylar ornatylýy qajet. Sondaı-aq turǵyndarǵa óz betterinshe gaz taratý, gaz jabdyqtaryn ornatý, gaz quraldary men tyǵyn armatýrasyn aýystyrýǵa tyıym salynady. Bul jumystar bilikti mamandardyń kómegimen arnaıy tehnıkalyq sharttar saqtalynǵan jaǵdaılarda ǵana júrgizilýi kerek,–deıdi Taraz qalalyq tótenshe jaǵdaılar basqarmasy bastyǵynyń orynbasary Omar Takeev.

Arnaýly qyzmettiń mamandary jylytý maýsymy kezinde tabıǵı gazben jylytylatyn jeke turǵyn úılerdiń turǵyndaryna murajalardy jıi tazalap turýǵa keńes beredi. Máselen kirpishten jasalǵan murja toqsanyna bir, al ák pen sementten jasalǵan murjalar 12 aıda bir ret tazalanyp turǵany jón.Sol sekildi murjanyń tóbesin qustyń uıasalmaýy, jaýyn-shashyn sýynyń tamyp ketpeýi syndy jaǵdaılarǵa da abaı bolǵan jón. Gazdan ıistenbeý úshin kirpishten soǵylǵan jylytylatyn peshter pen murjalarda jaryqshanyń bolmaýy da mańyzǵa ıe.

Jylytý maýsymy aldynda úıdegi gazben jylytylatyn peshtiń onyń murjasyn tehnıkalyq tekserýden ótkizýmen qatar úıdegi jeldetý júıeleriniń de qalypty jumys jasaýyn esten shyǵarmaǵan abzal.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir