• USD 389.52
  • EUR 429.21
  • RUB 6.07
  • CNY 54.94
18 Qazan, 13:09:50
Sarapshylar joldaýdyń júzege asyrylýyn talqylady

09 Qazan, 2019 Aımaqtar

Qaıyrymdylyq sharalary jyl boıy jalǵasady

Memleketimiz eshqashan jastardy nazardan tys qaldyrǵan emes. Sondaı-aq mektep oqýshylaryna da qoldan kelgen qamqorlyqty aıamaýda. Sondaı igiliktiń biri – «Mektepke jol» aksııasy. Aksııa aıasynda jańa oqý jylyna deıin myńdaǵan mektep oqýshylary demeýshiler men mekemeler tarapynan oqýǵa qajetti quraldarmen qamtylsa, qazir de bul bastama jalǵasyn tabýda, dep jazady Qamshy.kz aqparat agenttigi. 

Máselen Jambyl oblysy Qordaı aýdanynda osy tańǵa deıin baǵdarlamaǵa bas-aıaǵy 2372 bala qamtylǵan. Onyń ishinde 700 balaǵa 32450 teńgeden jergilikti bıýdjet esebinen 22 mln. 715 myń teńge bólinse, 1672 balaǵa bıýdjetten tys demeýshiler tarapynan 9 mln. 310 myń 590 teńgege kómek kórsetilip, mektep formasy, aıaq-kıim, sporttyq kıim jáne qajetti oqý quraldary alynǵan. Aksııa barysynda Gvardeıskıı qalashyǵynda, Qordaı aýylynda aýdan ákimdiginiń ónerkásip jáne kásipkerlik bólimi jáne aýdandyq qoǵamdyq keńespen birlese mektep jármeńkesi uıymdastyrylyp, onda mektep formasy, oqýlyqtar, sómkeler, keńse zattary, aıaq-kıim, kúrtesheler tómendetilgen baǵamen satylǵan.

Jańa oqý jylynan bastap «Atameken» qoǵamdyq qorynyń «Mektepke jol» platformasy www.atamekenim.kz portaly jyl boıy jumys isteıdi, ıaǵnı kómekke muqtaj azamattar atalǵan platformaǵa tirkelý, al demeýshiler aqshalaı qarajatty onlaın-aýdarý arqyly kómek kórsete alady.

Bıylǵy 2019-2020 oqý jyly qarsańynda «Júrekten júrekke!» uranymen ótken «Mektepke jol» aksııasyna belsene aralasyp, bala baqytyn, qýanyshyn eseleı túsken aýdannyń jeke kásipkerleri, sharýa qojalyqtary, aýdandyq maslıhat ujymy, aýdandyq «Nur Otan» partııasynyń fılıaly, aýdan ákimdiginiń bólimderi, bilim bóliminiń kásipodaq uıymy, bilim bólimine qarasty mekemeler, aýdandyq memlekettik kirister basqarmasy, aýdandyq poshta toraby, «Veterınarııalyq qyzmet» KMM, aýdandyq «Qordaı shamshyraǵy» gazeti, statıstıka bólimi, aýdandyq muraǵat, aýdandyq qorǵanys isteri jónindegi bólimi, aýdandyq tótenshe jaǵdaılar qyzmeti, «Qordaı sý» KMK, «Turǵyn úı-kommýnaldyq sharýashylyǵy jónindegi kásiporny» ShJQ KM, Jastar resýrstyq ortalyǵy, aýdandyq ortalyq aýrýhana, aýdandyq MSEQ, aýdandyq polısııa bólimi, «Central Asia Gold Production» JShS, Bıologııalyq qaýipsizdik problemalaryn zertteý ǵylymı-zertteý ınstıtýty, 2038 áskerı bóliminiń ujymyna jáne aýdannyń jomart ózgede azamattaryna bilim bólimi sharapatyn kórsetken.

Sóz joq, balalarǵa bazarlyq syılap, júrekterine jylý syılaǵan bul mekemelerdegi qyzmetkerlerdiń tirligi kópke úlgi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir