• USD 389.52
  • EUR 429.21
  • RUB 6.07
  • CNY 54.94
15 Qazan, 10:35:12
Ermekbaev: Jumys qaýipti, ómirleri úshin qaýip-qater bar

10 Qazan, 2019

Birtanov: Dárigerlerdi tegin oqytyp, óz betimen qoıa beretindeı memlekettiń qarjysy tasyp jatqan joq

Densaýlyq saqtaý mınıstri Eljan Birtanovtyń qyzmetten ketýin talap etken stýdentterdiń máselesi odan saıyn ýshyǵa tústi, dep habarlaıdy Qamshy.kz aqparat agenttigi KTK arnasy silteme jasap.

Densaýlyq saqtaý mınıstri Eljan Birtanovtyń qyzmetten ketýin talap etken stýdentterdiń máselesi odan saıyn ýshyǵa tústi, dep habarlaıdy Qamshy.kz aqparat agenttigi KTK arnasy silteme jasap.

Keshe mınıstr Almatyǵa arnaıy kelip, ózine qarsy beınerolık túsirgendermen betpe-bet kezdesti. Kezdesý barysynda mınıstr rezıdentýranyń ózgergen tártipterin túsindirip, stýdentter ınternatýradan keıin mindetti túrde aýyldyq emhanalarda úsh jyl eńbektenýi tıis ekendigin aıtty:

«Sizder ınstıtýtty jalpy tájirıbelik dáriger dıplomymen bitiretinderińizdi bildińizder. Dáriger bop jumys isteýge daıyn boldyńyzdar. Sizderge eshkim rezıdentýraǵa avtomatty túrde túsesizder dep ýáde bergen joq. Sondyqtan oqý aqysyn óteýge mindettisizder. Rezıdentýraǵa túspes buryn maman tapshy óńirlerge baryp eńbek etýge tıissizder. Dárigerlerdi tegin oqytyp, óz betimen qoıa beretindeı memlekettiń qarjysy tasyp jatqan joq».

Sonymen qatar, mınıstr bıyl tipti, jastarǵa baspana berý máselesi de sheshilgenin habarlady. Alaıda, stýdentter mınıstrdiń sózine kelispeýshilik tanytýda. О́zderinikin durys dep esepteıtin shákirtter mınıstr shaqyrǵan jıyndy tastap ketti. Daryn Ibragımov esimdi stýdent quqyqtary buzylǵanyn aıtyp, mınıstrmen sottasatyndaryn málimdedi:

«Bizdiń ári qaraıǵy maqsatymyz – eger ýnıversıtetten qýyp shyqsa, ári qaraı sottasamyz. Sotqa baramyz. Birtanov myrza, biz sizben aıaǵyna deıin kúresemiz. Quqyqtarymyzdy buzdyńyz. Eger Birtanov qyzmetinen ketse, mynadaı zań buzýshylyq bolmaıdy».

KTK arnasynyń habarlaýynsha, Eljan Birtanovtyń aıtýynsha, tegin oqýǵa túskender bul talapty o basta bilgen. Biraq, negizgi mamandyǵyn memleket esebinen bitirip rezıdentýraǵa aqyly túrde tapsyryp qoıǵandar mınıstrmen kelispeı, isti sotqa deıin jetkizbek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir