• USD 389.52
  • EUR 429.21
  • RUB 6.07
  • CNY 54.94
16 Qazan, 04:23:27
Saılaý qarsańynda "joǵalyp ketken" akter Shrı-Lankadan sálem joldady (vıdeo)

09 Qazan, 2019 Aımaqtar

Turǵyndardyń tilegine qulaq túrdi

«Ákim bol, halqyńa jaqyn bol» deıdi qazaq danalyǵy. Bul mindetti Memleket basshysy Qasym-Jomart Toqaev ta halyqqa arnaǵan Joldaýynda erekshe eskertken bolatyn. Tipti Prezıdent buqara arasynda júrgizilgen saýalnama qorytyndysynda halyqtyń 30 paıyzy ákimderge kóńili tolmaıtyny anyqtalsa, ol sheneýnik qyzmetin bosatýy qajettigin de basa aıtty. Osy oraıda áýlıeatalyq ákimder jurtshylyqpen júzdesip, turǵyndardyń tilegine jiti qulaq túrýde dep jazady Qamshy.kz aqparat agenttigi. Máselen Jambyl oblysy Shý aýdanyndaǵy Tóle bı aýylyndaǵy HQKO, aýdandyq poshta baılanys toraby, memlekettik kirister basqarmasy, aýdandyq statıstıka bólimi, ortalyq kitaphana, zeınetaqy men járdemaqy tóleý ortalyǵy syndy nysandardyń búgingi tynys-tirshiligimen tanysý barysynda Jarylqasyn Ábdiǵaparuly ǵımarattardyń ahýalyna, jumys kabınetterine jáne osy nysandarǵa jaqyn ornalasqan mekemelerge basa nazar aýdardy.

- Barlyq jaǵdaı mekeme jumysshylary úshin ǵana emes, qyzmetti tutynýshylar úshin de yńǵaıly bolýy kerek. Iаǵnı, ǵımarat aýyzsýmen, dárethanamen, sondaı-aq mysaly, HQKO-ǵy sekildi qalyń kezek oryn alǵan jaǵdaıda kezek kútýshilerge arnalǵan oryndarmen qamtylýy qajet,-dedi aýdan basshysy.

Árıne, Jarylqasyn Ábdiǵaparuly halyqqa qyzmet kórsetý barysynda kezigetin yńǵaısyzdyqtar men sheshimin tabýdy qajet etetin máselelerdi de nazardan tys qaldyrmady. Aýdan ákimi bolǵan túrli mekemelerdiń basshylary qordalanǵan máselelerdi alǵa tartty. Mysaly, búgingi tańda arhıv ornalasqan jyljymaıtyn múlikti tirkeý ortalyǵy (BTI) ǵımaratynyń shatyrynan qatty jańbyr jaýyp nemese qar erigen kezde sý aǵady eken. Aýdan basshysy Tóle bı aýylynyń ákimi E.Daberovke atalmysh kemshilikti retke keltirýdi mindettedi. О́ıtkeni, arhıv mańyzdy málimetterge toly, sol sebepten onyń jaǵdaıy laıyqty deńgeıde bolýy qajet. Munan basqa, aýdan ákimi kútpegen kezdesýdi ońtaıly paıdalanyp, óz kókeılerindegi muń-muqtajdaryn jetkizip qalýdy jón kórgen birqatar mekemelerdegi qyzmetkerlerdiń suraqtaryna jaýap berip te úlgerdi. Keıbir basshylardyń suraqtaryna sol jerde naqty jaýap qaıyrsa, keıbir suraqtardy óz baqylaýyna aldy. Jalpy, ákim atap ótkendeı, ózi bas suqqan barlyq áleýmettik nysandarda jumys júıeli júzege asyrylýda jáne olardyń ujymdaryna qatysty eshbir syn eskertpeler de bolmady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir