• USD 389.52
  • EUR 429.21
  • RUB 6.07
  • CNY 54.94
16 Qazan, 04:00:33
Saılaý qarsańynda "joǵalyp ketken" akter Shrı-Lankadan sálem joldady (vıdeo)

09 Qazan, 2019 Aımaqtar

Esirtki bıznesine ekpindi soqqy

Memleket basshysy Qasym-Jomart Toqaevtyń halyqqa arnaǵan Joldaýynda esirtki bıznesine qarsy kúreske aıryqsha basymdyq berilgeni belgili. Prezıdent osynaý kóleńkeli kásippen aınalysyp júrgender men sıtetıkalyq esirtki saýdasyna tosqaýyl qoıýdy sala mamandaryna shegelep turyp tapsyrdy. Al Jambyl oblysy Shý aýdanynda atalǵan indet talaı jerdi dendep ketkeni belgili. Sondyqtan jergilikti bılik turǵyndar men jastardy esirtkiden alshaq bolýǵa shaqyratyn túrli sharalardy dástúrli uıymdastyrýda, dep jazady Qamshy.kz aqparat agenttigi. Shýdaǵy sharanyń ashylý saltanatynda qatysýshylar aldynda aýdan ákimi Jarylqasyn Aıtaqov jáne Jambyl oblystyq polısııa departamentiniń shtab bastyǵy, polısııa polkovnıgi Qalıjan Shońǵarbaev, «Naǵyz patrıottar» qoǵamdyq birlestiginiń tóraıymy Ǵalııa Ábitaeva sóz sóılep, jastardy salaýatty ómir saltyn ustanýǵa shaqyrdy. Osydan keıin jastar qaýymy túrli janrdaǵy bıden quralǵan fleshmob tartý etti.

Kórermender úshin eń áserli sát «Delta dolına» esirtki qylmysyna qarsy is-qımyl bóliminiń qyzmetkerleriniń arnaıy úıretilgen ıttermen jasyrynǵan esirtkini taýyp, qylmyskerlerdi quryqtaǵan kórinisteri boldy.

Aksııa barysynda onyń qatysýshylary kókke túrli-tústi sharlar men kógershinder ushyrdy. Atap óterligi, aksııanyń joǵary dárejede ótýine atsalysqan azamattar oblystyq polısııa departamentiniń atynan Alǵys hattarǵa ıe boldy. Aksııa aıaqtala salysymen J.Aıtaqov, Q.Shońǵarbaev jáne basqalary aýdandyq polısııa bólimine jol tartyp, ondaǵy elimiz boıynsha alǵash bolyp ashylǵan front-ofısti kórip qaıtty.

Osyǵan oraı aýdandyq polısııa bóliminiń aldynda mıtıng ótip, oǵan aýdannan barǵan qonaqtar men aýdandyq ardagerler keńesi uıymy tóraǵasynyń orynbasary Q.Otarbaev, ishki ister ardagerler keńesiniń tóraǵasy B.Áýelov, «Naǵyz patrıottar» QB tóraıymy Ǵ.Ábitaeva qatysyp, qatysýshylardy front-ofıstiń ashylýmen quttyqtady.

Mine, osylaısha shýlyqtar bir kúnde jastardy esirtkisiz bolashaqqa úndegen aýqymdy shara ótkizip ǵana qoımaı, front-ofıstiń lentasyn qıdy. Atalǵan ofıs el úshin qyzmet ete beretinine senemiz. Jáne bul ortalyq esirtki bıznesimen kúres baǵytyna qarqyn qosyp, kórsetkish pen nátıjeniń san ese jaqsara túsýine septigin tıgizedi degen úmit zor.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir