Jurtshylyq jyl sońyna deıin jobanyń jemisin kóredi

Elimizdegi jemisti memlekettik baǵdarlamalardyń birden-biri - «Bastaý Bıznes » jobasy ekeni daýsyz. Atalǵan baǵytta búginde qyrýar tirlikter atqarylyp, el sharapatyn kórýde. Bul eń birinshi Memleket basshysy Qasym-Jomart Toqaev halyqqa arnaǵan Joldaýynda basa aıtqan shaǵyn jáne orta bıznesti damytýǵa ólsheýsiz úles qosýda. Jambyl jerinde de jobanyń jemisi kórinip jatyr, dep jazady Qamshy.kz aqparat agenttigi. 

Máselen Qordaı aýdanynda «Bastaý Bıznes» jobasy júzege asyryla bastaǵan úsh jyldyń ishinde aýyz toltyryp aıtarlyqtaı tirlikter tiktelýde.

Jalpy «Bastaý Bıznes» jobasy nátıjeli jumyspen qamtýdy jáne jappaı kásipkerlikti damytý baǵdarmalasy aıasynda júzege asyrylýda. Baǵdarlama shartyna saı aýyldyq jerlerde turatyn jumyssyz jáne ózin-ózi qamtyǵan azamattar joba qatysýshylary bola alady. Olar kásipkerlik qasıetterdiń bar bolýyna psıhologııalyq test ótkizip, arnaıy daıarlanǵan bıznes-trenerler ókizetin bir aılyq oqytý kýrsynan ótýi qajet. Álbette, bıznesti úırený múmkin emes, ol qanda bolatyn qasıet dep senimsizdik tanytatyn adamdar da kezdesedi. Sonymen birge kásipkerlik qyzmetke barlyq adamdardyń 2 paıyzynda ǵana genetıkalyq beıimdiligi bar degen ǵylymı málimetter de bar. Degenmen, joba túlekteriniń aıtýynsha, atalmysh oqý arqyly olar bilim alyp, kásipkerliktiń qyr-syryn kereginshe úırengen.

Bıyl «Bastaý Bıznes» jobasyn oqyǵan adam sany da, iske asyrylǵan jobalar sany da jetkilikti. Atap aıtsaq, 2017 jyly joba boıynsha 192 adam oqyp, onyń 106-sy jalpy somasy 381,54 mln. teńgege nesıe alsa, 2018 jyly 184 adam oqyp, onyń 108-i 376,53 mln. teńgege nesıe alǵan. Al, 2019 jyldyń qyrkúıegine 135 adam oqyp, 39 adam jalpy somasy 152 mln. teńgege nesıe alǵan. Oǵan qosa, «Atameken» kásipkerler palatasynyń aýdandyq fılıaly qyzmetkerleriniń aıtýynsha, bıyl oqý qysqa deıin jalǵasyp, áli 160 adamdy oqytý josparlanǵan. Qoldaǵy bar málimetke súıensek tyńdaýshylardyń jartysy, atap aıtqanda 49,5 paıyzy nesıe alyp úlgergen. Al, jobamen barlyq oqyǵandardyń 25 paıyzyn ǵana nesıelendirý josparlanǵanyn eskersek, joba belgilengen mejeni asyra baǵyndyrdy degen tujyrym shyǵady.

Bul sóz joq, bas barmaqpen baǵalaýǵa turarlyq jumys. Sondyqtan ózgelerden kósh ilgeri kele jatqan qordaılyqtar budan da bıik belesterdi baǵyndyrady dep senemiz.