• USD 468.56

  • EUR 497.56

  • RUB 7.3

  • CNY 67.18

28 Naýryz, 14:24:18
Almaty
+35°

Elimizde jalǵyzbasty analar sany artýda. Tipti, bıyl olardyń qatary jarty mıllıonǵa jetken dep jazady Qamshy.kz aqparat agenttigi Eýrazııa birinshi arnasynyń saıtyna silteme jasap.

Mamandar mundaı tendensııanyń keń etek jaıýy, ıaǵnı arýlardyń tym belsendi ári táýelsiz bolýy tym daraqy urpaqtyń kóbeıip ketýine yqpal etedi dep qaýiptenýde. Biraq, jalǵyzbasty analardyń oǵan qatysty aıtar basqa ýájderi bar.

Búginde elimizde 500 myńǵa jýyq jalǵyzbasty ana tirkelgen. Onyń ishinde ajyrasqandar men ózderi úshin bala týyp alǵandar da bar. Qazir mundaı "statýsqa" ıe bolý jastar arasynda quddy bir trendke aınalǵandaı. Ári olar munysyn "eshqaındaı uıat" dep eseptemeıdi, deıdi sarapshylar. Al, zamanǵa saı boıjetkender úıde de túzde de belsendi bola bastaǵan. "Zaman ózgerip, áleýmettik teńdik, genderlik teńdik oryn alǵan zaman. Dástúrli zamanda áıel erkekke táýeldi, qazir ózgerdi, bizde erkektiń óz ómirin qalaı retteıdi, qandaı ustanymdar óz erki, demokratııa el degen óz tańdaýy", - deıdi áleýmettanýshy Ramazan Sattarov. 

Rashıda Estekbaevanyń jasy 25-te. О́zi jalǵyzbasty ana. Kásipker.  Joldasymen dám-tuzy  jaraspaı, bólek turýǵa sheshim qabyldaǵan.  Onyń sózinshe, otbasynda zorlyq-zombylyq kórgennen góri, alańsyz balany baǵyp-qaǵyp ósirgen myń ese artyq. Al mundaı sheshim qabyldaǵan arýlardy jerden alyp, jerge salyp aıyptaýdyń túk qajeti joq. "Negizi jalǵyzbasty ana bolý qıyn. О́ıtkeni, bizdi qoǵam qabyldaǵysy kelmeıdi. Biraq, meniń ata-anam maǵan qol ushtaryn berip, barynsha ishki kúızelispen kúresýge kómektesti. Álbette, ajyrasqan uıat sanalady. Meniń oıymsha, úıde kúıeýińnen qysym kórip, zorlyq-zombylyqty jasyrý, mine sol uıat!", - deıdi Rashıda Estekbaeva.

Al qoǵam belsendisi Qarlyǵash Bekpatsha, qazirgi arýlardyń tym erkin, ózimshil bolyp qalyptasýyna er jigitter tikeleı kináli degen pikirde. "Er azamat ta erkekshe, er azamtsha kóterý kerek. Ol da jaýapkershilikti seziný kerek, onyń etegin ustaǵanannan keıin, birlesip kótergen júk jeńil. Qanshama ata-ana jalǵyz ósip jatyr, jeńil ómirge úırenip qaldy, úlken bir otbasyndaǵy tárbıe, erdi ershe, qyzdy qyzsha tárbıelep mektepke de osy programmalardy engizý qajet", - deıdi qoǵam belsendisi. Dese de mamandar arýlardyń tym belsendi ári táýelsiz bolýy ákesiz balalardyń kóbeıip ketýine yqpal etetinin aıtady. Al áke tárbıesi jetispegen jastardyń teris jolǵa túsip ketý yqtımaldyǵy da joǵary kórinedi. Osy rette, jastardyń sanasyna otbasylyq qundylyqtar, ana men bala, ákeniń róline qatysty tárbıeni tereń quıyp, qoǵam arasynda úgit-nasıhat jumystaryn júrgizgen durys deıdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir