• USD 389.52
  • EUR 429.21
  • RUB 6.07
  • CNY 54.94
18 Qazan, 13:21:11
Sarapshylar joldaýdyń júzege asyrylýyn talqylady

10 Qazan, 2019 NEWS

Qaraǵandyda belgisiz adam birneshe jolaýshylar avtobýsyna oq jaýdyrdy

Qaraǵandy qalasynyń ortalyǵynda belgisiz adam jolaýshylar avtobýsyna oq jaýdyryp, oqıǵa bolǵan jerden qashyp ketken.

Qaraǵandydaǵy birneshe jolaýshylar avtobýsyna belgisiz adamnyń oq jaýdyrǵany týraly Qamshy.kz aqparat agenttigi Astana arnasyna silteme jasap habarlaıdy.

Osyǵan deıin polısııa qyzmetkerleri málimdegendeı, oqıǵa kezinde avtobýstarda 200-den asa jolaýshy bolǵan. Belgisiz jan  «45-oram» aıaldamasynda qoǵamdyq kólikterdiń terezesine birneshe ret oq atyp, munan keıin jaqyn jerdegi aýlalardyń birinde jasyrynypty.

№45 baǵyttaǵy avtobýs júrgizýshisi Ermek Syzdyqovtyń sózinshe, ol oq atylǵanyn estimegen. Júrgizýshi salonda dúrbeleń týyp, adamdardyń shýlap ketkenin ǵana baıqapty.

«Keıbir jolaýshy avtobýstan shyǵýǵa tyrysty. Oq atylǵannan bári shok boldy. Artynsha №40 baǵyttaǵy avtobýs keldi. Ol jerde eki polıseı turdy. Sol avtobýsqa da eki ret oq tıgen eken. Al adamdar úreılenip, eńkeıip, aıaldamadan qashty. Bári qatty shýlap, aıqaılap jatty», – deıdi júrgizýshi.

Polısııa málimetine súıensek, oqıǵa saldarynan eshkim zardap shekpegen. Al kýágerler jolaýshylardyń birine dárigerlerdiń kómegi qajet bolǵanyn aıtady.

Qaladaǵy mundaı jaǵdaıdan keıin adamdar kóshege shyǵyp, qoǵamdyq kólikke otyrýǵa qorqyp qalǵan.

Jergilikti turǵyndardyń biri Dına Olımbaeva: «Biz osy jerde balarymyzmen únemi júremiz. Bul adam shoshyrlyq sumdyq jaǵdaı ǵoı. Mundaı jaǵdaıdy jaıdan-jaı qaldyrýǵa bolmaıdy. Polısııa ne qarap otyr?», – deıdi

Oqıǵaǵa qatysty Qylmystyq kodekstiń «Buzaqylyq» baby boıynsha is qozǵalǵan. Qazirgi ýaqytta polısııa oq atqan adamnyń tulǵasyn anyqtap jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir