Jańaózendegi jumysshylardyń quqyǵyn kim qorǵaıdy?

Búgin "О́zenmunaıgaz" aksıonerlik qoǵamyna qaraıtyn "Kezbı" merdiger kompanııasynyń vahta aýysymyna shyqqan júzden astam jumysshysy Jańaózen qalasy ákimdiginiń aldyna narazylyǵyn bildirýge jınaldy. Olar jumys berýshi kompanııa jumysshylardyń quqyqtaryn taptaıtynyn aıta kele, qyzmetkerlerdi sebepten-sebepsiz jumystan shyǵaratyn aıtty. Odan ózge kompanııada "Jumysshylar quqyǵyn qorǵaıtyn kásipodaq qurǵanymyz úshin qýdalanyp jatyrmyz" – dep shaǵymdandy. Bul týraly www.azattyq.org -ke silteme jasap, Qamshy.kz aqparat agenttigi habarlaıdy.

Narazy jumysshylar Jańaózen qalasynyń ákimi Maqsat Ibaǵarovtyń bul iske aralasýyn talap etti. Biraq jumysshylar aldyna ákim emes, onyń orynbasary Ǵalym Baıjanov shyqty. О́zderiniń ákimge úshinshi ret kelip otyrǵanyn aıtqan jumysshylar ákim ótinishimizge qulaq aspady dep ashýlandy.

«Halyq úshin taǵaıyndaldy emes pe?  Halyq eki ret keldi, nege tyńdamaıdy? Ákimdi kóreıik, muń-muqtajymyzdy tyńdasyn. Meniń ómirime de qaýip tónip tur. Jumys berýshi jumysshylarǵa qysym kórsetip jatyr. Kásipodaq jumysyna zańsyz aralasyp otyr. Olardy qorqytyp, aryz jazdyryp, brıgadaǵa baryp, qorqytyp júr. Jeke menshik mekememiz deıdi. Sonda halyq jeke menshik pe? Adam qurly kórip otyrǵan joq»  – deıdi kásipodaq tóraǵasy Azamat Japarov.

Ǵalym Baıjanov jumysshylardy "Kezbı" kompanııasynyń keńsesine baryp, máseleni sol jaqta talqylaýdy usynyp edi, narazylar "Jumys berýshi osy jaqqa kelsin" dep kelispedi.

Al kompanııa jumysshysy Azamat Japarovtyń aıtýynsha, keıinirek jumys berýshiler ákimdikke kelip, úsh tarap bolyp máseleni talqylaǵan. Biraq ortaq mámilege kele almaǵan.

Jıynnan soń kásipodaqtaryn qorǵaýǵa tyrysqan jumysshylar ákimdik aldynda turyp, Qazaqstan prezıdenti Qasym-Jomart Toqaevqa úndeý joldap, kómek surady.

"Biz, "Kezbı" jumysshylary, áriptestik áleýmettikti nyǵaıtý maqsatynda alǵashqy kásipodaq uıymyn ashqan bolatynbyz. Alaıda bizge jumys berýshi tarapynan túrli qysym kórsetilip jatyr. Atap aıtsaq, kásipodaq múshelerin kásipodaqtan qoqan-loqy kórsetip, shyǵarady. Kásipodaq tóraǵasynyń ómirine qaýip tóndiretin áreketterge baryp jatyr. Mekemeniń joǵary laýyzymdy basshylary qarapaıym halyqty kásipodaqtan shyǵýǵa úgittep jatyr"– deıdi úndeýdi oqyǵan "Kezbı" jumysshylarynyń biri Aıbergen Aqqozıev.

Jumysshylar táýelsiz kásipodaqsyz jumysshylar quqyǵy men olardyń eńbek jaǵdaıyn jaqsartý múmkin emes ekenin, ony saqtap qalý óte mańyzdy ekenin aıtty.