• USD 389.52
  • EUR 429.21
  • RUB 6.07
  • CNY 54.94
19 Qazan, 16:14:21
Nazarbaev: "Nur Otan" halyqty mazalaıtyn máselelerge aralaspaıdy

09 Qazan, 2019 Barlyq aımaqtar

MAŃǴYSTAÝLYQ TEATR «ABISH ALEMI» I HALYQARALYQ TEATR FESTIVALINIDE ÁBISh KEKILBAEVTYŃ «BIR ShО́KIM BULT» JÁNE «KÚI» ShYǴARMASYN SAHNALAIDY

Ábish Kekilbaevtyń shyǵarmalaryn nasıhattaýǵa baǵyttalǵan alǵashqy teatr festıvali 2016-jyly respýblıkalyq deńgeıde ótse, bıyl 80 jyldyq mereıtoıy aıasynda «ABISH ALEMI» festıvali halyqaralyq deńgeıde shymyldyǵyn túrdi. Mańǵystaý oblysy ákimdiginiń uıymdastyrýymen, respýblıkamyzdyń Mádenıet jáne sport mınıstrligi jáne TÚPKSOI-dyń qoldaýymen bastalǵan festıval ózge eldermen mádenı-rýhanı baılanysty nyǵaıtýdaǵy altyn kópir ispettes. Álemniń jeti elinen kelgen kásibı jáne mýzykalyq drama teatr ártisteri Aqtaýdaǵy Nurmuhan Jantórın teatry sahnasynda ózara synǵa túspek.
«Rýhanı jańǵyrý» baǵdarlamasy aıasynda uıymdastyrylǵan «ABISH ALEMI» birinshi halyqaralyq teatr festıvaline qatysýǵa nıet bildirgen teatr ujymdarynyń qoıylymyn, qazylar alqasynyń bedeldi músheleri Abyz tulǵa Asanáli Áshimov, «Altyn qalam» syılyǵynyń laýreaty Israfıl Israfılov, Batys Qazaqstan oblystyq qazaq drama teatrynyń qoıýshy rejısseri - Serdesh Qajymuratov, Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń kórkemdik jetekshisi – Erkin Jýasbek, Qazaqstannyń eńbek sińirgen qaıratkeri – Nurken О́teýil, Qazqstan Respýblıkasy memlekettik syılyǵynyń laýreaty – Ádil Ahmetov, Mańǵystaý oblysynyń «Jyl adamy – 2016» nomınasııasynyń ıegeri Medǵat О́mirálıev saraptaıtyn bolady.
«ABISH ALEMI» Birinshi halyqaralyq teatr festıvaline birneshe teatr ujymy qatyspaq. Olar:
1) Armenııadan Abelıan Vanadzor memlekettik drama teatry;
2) Grýzııadan Tbılısıdiń Memlekettik Azerbaıdjan teatry;
3) Irannan Bıle Savar Barbod teatry;
4) О́zbekstannan Horezm teatry;
5) Tájikstan K.Hýdjandı atyndaǵy mýzykalyq komedııa teatry;
6) Túrkııanyń Memlekettik teatry;
7) Túrkmenistan memlekettik teatry;
Condaı – aq6 Qazaqstannan M.Áýezov atyndaǵy memlekettik akademııalyq drama teatry, J.Aımaýytov atyndaǵy Pavlodar oblystyq drama teatry jáne N.Jantórın atyndaǵy drama teatry qatysyp, óner kórsetedi.
Halyqaralyq teatrlar festıvalinde Mańǵystaý drama teatry Ábish Kekilbaevtyń «Bir shókim bult» shyǵarmasymen «Kúı» povesin sahnalaıdy. Kúı povesinde róldi somdaýshylardyń basym bóligi er adamdar, al mono spektakldi bir áıel somdamaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir