Ushaqta jolserik qazaq tilinde qyzmet kórsetpegeni úshin "Air Astana" kompanııasyn sotqa berip, jeńip shyqqan Oǵyz Doǵan atty ulty túrik azamatqa qatysty taǵy da keleńsiz jaǵdaı oryn aldy.
Áıeli, balasy úsheýi elordadan Shymkentke ushpaq bolyp, áýejaıǵa kelgende olardy "Fly Arystan" kompanııasynyń qyzmetkerleri ushaqqa mingizýden bas tartqan. Sebep "Air Astana" kompanııasy Oǵyz Doǵandy "qara tizimge" engizipti. Al "Fly Arystan" "Air Astana"-nyń enshiles kompanııasy bolǵandyqtan tártip olarǵa da ortaq eken. Bul jóninde Oǵyz Doǵan óziniń feısbýktegi paraqshasynda habarlady.
Oǵyz Doǵannyń aıtýynsha, kompanııanyń bul áreketi sotta jeńilgenderi úshin ese qaıtarý, kektený.
Oǵyz Doǵannyń feısbýk paraqshasyndaǵy vıdeodan ózin Suńǵat dep tanystyrǵan "Fly Arystan" kompanııasynyń ókili máseleniń anyqtalý ústinde ekenin aıtyp, jolaýshyǵa kúte túrýyn ótinip jatqanyn kórýge bolady.
Biraq qalaı bolǵanda da Oǵyz Doǵan, otbasymen atalmysh reısten qalyp qoıdy. Nur-Sultan – Shymkent baǵytyndaǵy ushaq 14.55-te Shymkent qalasyna ushyp ketti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir