• USD 389.52
  • EUR 429.21
  • RUB 6.07
  • CNY 54.94
14 Qazan, 05:16:40
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

05 Qazan, 2019 NEWS

Jasyl Almaty keń aýqymdy aksııasy bastaldy

Qala ákimi Baqytjan Saǵyntaev Mohnatka taýynyń baýraıynda ótken ekologııalyq aksııany bastap berdi. Munda qylqan japyraqty aǵashtardyń kóshetteri otyrǵyzyldy.

О́zderińizge belgili, 2011 jyly qatty daýyldyń nátıjesinde Mohnatka taýyndaǵy 480 gektar aýmaqta júzdegen myń aǵash qulaǵan edi. Jyl saıyn munda tabıǵı aǵashtar men butalardyń kóshetteri otyrǵyzylady. Al búgingi aksııa aıasynda Shrenka shyrshasynyń 50 myńǵa jýyq kósheti otyrǵyzyldy.

Bul sharanyń mańyzdylyǵyna toqtalǵan Baqytjan Saǵyntaev atalǵan aksııanyń qala ekologııasyn jaqsartý men tabıǵı tepe-teńdikti saqtaý úshin qajet ekendigin atap ótti.

«Jas shybyqtardy otyrǵyzý arqyly biz tabıǵatty qurmetteýge úırenemiz. Jastardyń boıynda ekologııalyq mádenıetti qalyptastyra otyryp, qorshaǵan ortany aıalaýǵa baýlımyz», – dedi ákim.

Onyń aıtýynsha, kez-kelgen almatylyq óz aýlasynda nemese qalalyq saıabaqta bir aǵash otyrǵyzý arqyly qalaǵa degen súıispenshiligi men qurmetin kórsete alady. Búgin aksııaǵa 500-den astam adam qatysty. Olardyń ishinde mádenıet qaıratkerleri, stýdentter, eriktiler jáne Ile Alataýy ulttyq parkiniń qyzmetkerleri bar. Buǵan deıin qala ákiminiń tapsyrmasy boıynsha Almatyny kógaldandyrý boıynsha aýqymdy joba jasalǵan bolatyn. Soǵan sáıkes úsh jyldyń ishinde mıllıon aǵash otyrǵyzý josparlanǵan.

Mamandardyń aıtýynsha, qalada 2 mıllıonnan astam aǵash bar. Biraq 500 myńǵa jýyǵy apattyq nemese aýrý aǵashtar. Jańa Almatyny, onyń ishinde Alataý jáne Naýryzbaı aýdandaryndaǵy yqshamaýdandardy kógaldandyrýǵa erekshe nazar aýdarylmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir