• USD 389.52
  • EUR 429.21
  • RUB 6.07
  • CNY 54.94
15 Qazan, 10:34:11
Ermekbaev: Jumys qaýipti, ómirleri úshin qaýip-qater bar

02 Qazan, 2019 NEWS

Almatyda aýylsharýashylyq jármeńkesiniń maýsymy ashylady

Osy senbide, 5 qazanda «Astana» alańynda (Tóle bı kóshesi, QBTÝ-niń aldy) jármeńkeniń kúz maýsymyn Almaty oblysynyń taýar óndirýshileri ashady.

Almaty qalasynyń Kásipkerlik jáne ınvestısııa basqarmasynyń málimeti boıynsha Taldyqorǵan, Qapshaǵaı, Tekeli qalalary men Almaty oblysynyń 17 aýdany jalpy quny 111 mln. teńgeden asatyn túrli aýylsharýashylyq ónimderin jetkizetin bolady. Sharaǵa «Jetisý» ÁKK» AQ da qatysady, dep habarlaıdy almaty.gov.kz saıty.

Almatylyqtar men qala qonaqtaryna jalpy kólemi 180 tonna bolatyn azyq-túlik taýarlarynyń 50-den astam túrleri usynylady, onyń ishinde 50 tonna et jáne balyq ónimderi, 86 tonna jemis-kókónis, 14 tonna sút ónimderi, sonymen qatar jarma, un, ósimdik jáne mal maılary bar. Jármeńke baǵasy bazardaǵy orta baǵadan tómen bolady. Mysaly, bir kılogramm sıyrdyń etin 1700 teńgege, qustyń etin 750 teńgeden, kartopty 80 teńgeden, pııazdy 65 teńgeden alýǵa bolady.

Jármeńke tańǵy saǵat 8:00-de bastalady. Shara aıasynda uıymdastyrýshylar óńirdiń kórkem ónerpazdar ujymdarynyń qatysýymen qyzyqty konserttik baǵdarlama daıyndaǵan.

Eske salsaq, keńeıtilgen aýyl sharýashylyq jármeńkelerin ótkizýdegi maqsat – qalalyqtardy qoljetimdi baǵadaǵy túrli sapaly ónimdermen qamtamasyz etý.

Taıaý arada Almatyda Jambyl, Túrkistan jáne Shyǵys Qazaqstan oblystarynyń qatysýymen osyndaı jármeńkeler ótetin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir