02 Qazan, 2019 NEWS
Almatyda qolóner sheberleriniń kórme-jármeńkesi ótedi
QR Ortalyq memlekettik mýzeıinde kórshi elder qolóner sheberleri óz jumystaryn kórsetedi.
Almaty ákimdiginiń baspasóz ortalyǵynda ótken brıfıngte «Baqyt» dekoratıvti-qoldanbaly óner ortalyǵynyń menedjeri, kórmeni uıymdastyrýshy Kúnsulý Ábdikárim atalǵan sharanyń 4-6 qazan aralyǵynda ótetinin habarlady, dep jazady qalalyq ákimdiktiń baspasóz qyzmeti.
Kórme-jármeńke taqyryptyq ataýlar boıynsha bir jylda tórt ret ótedi: kóktemde – «Qyzǵaldaqtar ýaqyty», jazda – «Jibek joly», kúzde – «Altyn alma» jáne qysta -– «Shyǵys bazary».
«Mundaı sharalar Orta Azııa elderi arasynda ekonomıkalyq jáne mádenı baılanystardy damytýda úlken mańyzǵa ıe. Almaty bir jyl ishinde birneshe ret túrli memleketterdiń qoldanbaly óner sheberleriniń ortalyǵyna aınalady», – dep atap ótti Ortalyq memlekettik mýzeıdiń baspasóz hatshysy Aqmaral Aıdynbaeva.
Jármeńkege Qazaqstannyń, Qyrǵyzstannyń, Tájikstan men Túrkmenstannyń, О́zbekstan men Reseıdiń jáne Grýzııanyń sheberleri jasaǵan syılyq jáne sývenır buıymdar qoıylady, olar: kıim, panno, gobelender, kıiz ben teriden jasalǵan buıymdar, toqylǵan zattar, zergerlik buıymdar, bıjýterııa jáne basqalary.
Usynylatyn sývenırlik buıymdardyń negizgi taqyryby – almalar. О́ıtkeni, alma – Almatynyń basty sımvoly.
Dekoratıvti-qoldanbaly óner boıynsha sheberlik synyptary qatar ótetin bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir