Almatynyń kólik qurylymy jańa avtobýstarmen tolyqty

«Almatyelektrotrans» JShS Zhongtong markaly jańa avtobýstardyń alǵashqy legin satyp aldy. Jaqyn kúnderi, memtirkeýden jáne daıyndyqtan ótken soń avtobýstar testilik rejımde № 12 baǵyt boıynsha jolǵa shyǵyp, «Qazaqstan» qonaq úıinen (Dostyq dańǵylynyń buryshy – Qurmanǵazy kóshesi) Medeý muz aıdynyna deıin barady. Avtobýs suıytylǵan (syǵylǵan) tabıǵı gazben (CNG) júredi, kondısıonerlermen jáne vıdeobaqylaýmen jabdyqtalǵan.

Tasymaldaýshy kompanııa habarlaǵandaı, avtobýstar arnaıy qalalyq jolaýshylar tasymaly úshin jasalǵan. Syıymdylyǵynyń úlken bolýymen qatar kólikterdi tómen edendi konstrýksııalary erekshelendiredi.

Kóliktiń syıymdylyǵy – 104 adam, 22 otyratyn oryn jáne qımyly shekteýli jolaýshylar úshin 3 oryn bar.

Keıingi kezekte «Almatyelektrotrans» JShS áýejaı men qalanyń yqshamaýdandaryn baılanystyratyn №92 baǵyttaǵy kólikterdi jańartatyn bolady.

«Almaty ákimi B. Saǵyntaev qoıǵan basty mindet – kórsetiletin qyzmet sapasyn josparly túrde arttyrý jáne qozǵalystar ıntervalyn qysqartý», – dep atap ótti tasymaldaýshy kompanııa.