• USD 389.52
  • EUR 429.21
  • RUB 6.07
  • CNY 54.94
16 Qazan, 01:34:46
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 NEWS

Almatyda jalpyqalalyq seısmojattyǵý ótedi

Almatyda 3 qazan kúni saǵat 12.55-te josparly jalpyqalalyq seısmojattyǵý ótedi, dep jazady qalalyq ákimdiktiń baspasóz qyzmeti.

Birinshi kezeń – Elektrosırenderdi qosý arqyly halyq «Barlyǵyńyzdyń nazarlaryńyzǵa!» biryńǵaı dabyl boıynsha habardar etiledi jáne telearnalar men radıohabarlar avtomatty túrde óshiriledi. «Darmen» mobıldi qosymshasyn júktegen smartfon qoldanýshylarǵa sózdik habarlama jiberiledi. Aıta keterligi, Almatyǵa jaqyn ornalasqan seısmodatchıkter arqyly biregeı fýnksıonal avtomatty rejımde jerdiń silkinýi týraly push-eskertý jiberedi.

Ekinshi kezeń – praktıkalyq oqý Alataý aýdanyndaǵy № 180 orta mekteptiń aýmaǵynda ótedi. Munda qutqarýshylardyń is-qımyly kórsetiledi, úıretý trenıngteri ótedi, «Jer silkinisi kezindegi is-áreket» vıdeooıyny usynylady.

Sonymen qatar, oqý-jattyǵýǵa qatysýshylarǵa býkletter, plakattar jáne qala ákimdigi men TJ Departamenti birigip jasaǵan «Jer silkinisi kezindegi 10 qarapaıym qadam» taqyrybyndaǵy kórneki quraldar taratylady. Saýda oryndarynda «Qazaqstannyń Qyzyl Jarty aıy» qoǵamdyq birlestigi men Eriktiler lıgasy «Jer silikinisi kezindegi halyqtyń is-qımyly» taqyrybynda fleshmobtar ótkizedi.

Mektepterde, aýrýhanalar men emhanalarda shartty túrde zardap shekkenderdi qabyldaıtyn pýnktter ashylady. Jalpyqalalyq seısmojattyǵý jyl saıyn halyqty jer silkingen kezde jasaıtyn is-qımyldarǵa daıyndaý maqsatynda ótedi. QR BǴM-niń seısmologııa Instıtýtynyń uzaq merzimdi boljaýy boıynsha qala aýmaǵynda 7 jáne odan joǵary balldaǵy ıntensıvti jer silkinisi bolmaıdy.

Osyǵan oraı, qalanyń TJD Almaty turǵyndary men qonaqtarynan sharaǵa túsinistikpen qaraýdy, sabyrlyq saqtaýdy suraıdy jáne seısmojattyǵý ótkizýge belsendi túde qatysýǵa shaqyrady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir