Medısınalyq saqtandyrý qory turǵyndardyń saktandyrý júıesindegi mártebesin anyqtaýǵa múmkindik beretin arnaıy jobany iske qosty. Atalǵan plagın arqyly kez kelgen azamat saqtandyrý júıesindegi mártebesin anyqtaı alady, dep habarlaıdy «Áleýmettik medısınalyq saqtandyrý qory» KEAQ Almaty fılıaly.
Habarlamaǵa súıensek, statýsty anyqtaý úshin fms.kz saıtyna kirip, JSN engizý qajet. Nátıjesinde árkim óziniń saqtandyrylǵan-saqtandyrylmaǵanyn bile alady. Sonymen qatar, júıe arqyly azamattar jumys berýshiler aýdaryp jatqan tólemder jaıynda da tolyq málimet ala alady. Jobanyń basty maqsaty – halyqtyń ýaqytyn únemdep, suranysqa saı júıeni barynsha yńǵaılandyrý.
«2020 jyldyń 1 qańtarynan bastap Qazaqstanda MÁMS júıesi bastalady. Osy ýaqytqa deıin turǵyndar tegisteı derlik saqtandyrý júıesindegi statýsyn anyqtap alýy kerek. Saqtandyrylmaǵan azamattar kepildendirilgen tegin medısınalyq kómek paketine engen qyzmetterdi paıdalana alady. Al, MÁMS paketine engen medısınalyq kómek túrleri saqtandyrylǵan azamattarǵa ǵana kórsetiledi», delingen habarlamada.
Ázirleýshilerdiń pikirinshe, ámbebap júıeni aldaǵy ýaqytta barlyq ınternet-rýsýrstar arqyly paıdalanýǵa múmkindik týmaq. Ol úshin qyzyǵýshylyq tanytqan saıt ıeleri plagındy ornatýy tıis.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir