Ustaz bilikti bolsa, oqýshy da bilimdi bolmaq

Búginde memleket tarapynan bilim salasyn damytýǵa baǵyttalyp jatqan jumystar jeterlik. Mundaǵy basty maqsat – sapaly urpaq ósirip, tárbıeleý. Kúni keshe Memleket basshysy Qasym-Jomart Toqaev ta óz Joldaýynda osynaý maqsatty mindetti naqty aıqyndap berdi. Bul oraıda Jambyl oblysy Moıynqum aýdanyndaǵy bilim salasyndaǵy jumystar kóz súısindiredi, dep jazady Qamshy.kz aqparat agenttigi. 

Jalpy búginde eldi mekendegi mektep oqýshylary men muǵalimderiniń jetistigi jeterlik. Atap aıtsaq, oblystyq «О́zin-ózi taný pániniń úzdik muǵalimi» atty baıqaýynda M.Jumabaev mektep-lıseıiniń «ózin-ózi taný» páni muǵalimi A.Janatova III oryndy ıelendi.

Aýdandyq baıqaýdyń jeńimpazy jáne oblystyq «Daryndy balaǵa- talantty ustaz» baıqaýyna qatysqan, Jambyl mektep gımnazııasynyń qazaq tili pániniń muǵalimi Baljan Janǵabyl II oryndy ıelendi.

Tehnıkalyq balalar shyǵarmashylyq ortalyǵynyń bilim alýshylary «Otanym -meniń bastamam» taqyrybynda ótken oblystyq shyǵarmashylyq jobalar baıqaýyna qatysyp, Erjan Myrzalıev «Bas júldeni» jáne Erasyl Qaırat I oryndy ıelenip, Respýblıkalyq kezeń joldamasyna qol jetkizdi.

Jalpy bilim beretin pánder boıynsha oblystyq olımpıadaǵa aýdannan barlyǵy 19 oqýshy 9 pánnen qatysyp, onyń úsheýi úshinshi oryndy ıelendi. Atap aıtqanda, Jambyl mektep –gımnazııasynan Murat Nurmahan geografııa páninen ( pán muǵalimi K.Jıenbaeva), Madına Abjanova tarıh páninen (pán muǵalimi G.Buzaýbaeva), Abaı orta mektebinen Arýjan Syzdyqova qazaq tili men ádebıetinen (pán muǵalimi S.Dúısemetova) III orynǵa ıe boldy.

Búgingi kúnde jalpy bilim bólimine qarasty 15 balabaqsha men 7 shaǵyn ortalyqta 1492 bala tárbıelenýde, ol aýdan boıynsha mektepke deıingi tárbıemen qamtylǵandar úlesi 1-6 jas aralyǵynda – 98,3 paıyz, 3-6 jas aralyǵynda – 100 paıyzdy qurap otyr.

UBT-ge daıyndyq sapasyn jaqsartý baǵytynda 6 ret bilim bólimi tarapynan synaq test alynyp, 23 is-shara ótkizilip, oǵan 580 muǵalim qamtyldy. Nátıjesinde aýdan boıynsha UBT-degi ortasha ball 91,5 paıyzdy qurady. Ol ótken jylmen salystyrǵanda 4,3 ballǵa joǵary.

Aýdan muǵalimderi bıylǵy oqý jylynda jaqsy bastap otyr. Basty maqsat- oqýshylarǵa sapaly bilim, sanaly tárbıe berý. Al ol úshin ustazdarǵa barlyq jaǵdaılar jasalǵan.