Qarttaryn qadirlegen - el ardaqty

Aǵa býyn ókilderin, qazynaly qarttarymyzdy qurmetteý búgingi urpaq — bizdiń basty paryzymyz. Qarııalarymyzdyń úlgisi men ónegesi tálim men tárbıeniń bastaýy dep bilemiz.Kópti kórgen danagóı qarttarymyzdyń ónegeli ómirin úlgi ete otyryp, ǵıbrat bolarlyq sózderin boıymyzǵa sińirip, úlkenge qurmet kórsetý ár azamattyń paryzy. Osy kúnderi qarttardy qurmettep kóńil bólý sharalary barsha jerde júrgizilip keledi, dep jazady Qamshy.kz aqparat agenttigi. 

Osy oraıda Jambyl oblysy Moıynqum aýdany ákimdigi ishki saıasat bóliminiń «Jastar resýrstyq ortalyǵy» KMM-niń uıymdastyrýymen Halyqaralyq qarttar kúni merekesine oraı «Aman júrshi, qarttarym» atty qamqorlyq aksııasy ótkizildi.Aksııanyń maqsaty — qazirgi qoǵamdy qart adamdardyń problemalaryna nazar aýdartyp, qaıyrymdylyq ister jasaý.Jastar resýrstyq ortalyǵynyń qyzmetkerleri aýdannyń ósip-órkendeýine úles qosqan qarttar Z.Demıanova, A.Kópbosynov, E.Qapezovterdyń úılerine arnaıy baryp, jaǵdaılarymen tanysty. Olarǵa syılyqtar tabys etip, Halyqaralyq qarttar kúnimen quttyqtap, denderine saýlyq, otbastaryna tynyshtyq, uzaq ǵumyr tiledi. Al qarııalar bolsa olarǵa alǵystaryn aıtyp, batalaryn berdi.

Osy kúni Moıynqum aýdandyq J.Qýanyshbaev atyndaǵy mýzeıinde Halyqaralyq qarttar kúnine oraı erkin taqyrypta tárbıe saǵaty ótti. «О́ner jáne qosymsha bilim berý» mektebi «Qarttarym –asyl qazynam» atty tárbıe saǵatyn ótkizdi. Baıandamany Aıaýly Aıapbergenova oqyp, qazynaly qarııalar jaıly maǵlumattar berdi. Júrgizýshi Janar Qońyratbaeva maqal –mátelder aıta kele, oqýshylarǵa án kezegi berildi.«Aqnıet» teatr úıirmesiniń jetekshisi Aısha Mýmeevanyń uıymdastyrýymen oqýshylar Janel Alpysbaı, Janasyl Jarylqasyn, Nuraıym Tólegen, Altynaı Jarylqasyn, Nuraıym Serǵalılar óleńnen shashý shashty. Shaqyrylǵan qonaqtarǵa gúlden syı –sııapat jasalyp, mýzeıde qoıylǵan kórmege M.Qanqojaeva sholý jasady.Sonymen qatar Jambyl aýylyndaǵy Abaı atyndaǵy orta mektebiniń oqýshylary «Qarttaryn qadirlegen-el ardaqty» atty kórmege ekskýrsııa jasady.

Moıynqumdyqtardyń mundaı ıgi isteri keıingi urpaqqa óshpes ónege ekeni anyq. Endeshe jaraısyńdar demekpiz. Qartarym árdaıym aman bolǵaı!