Jibek jolyndaǵy jańǵyrý

«Jibek Jolyndaǵy suhbattar» jobasy Ortalyq Azııa aımaǵy elderiniń qatysýymen jyl saıyn ótkiziletin dástúrli shara. Uly Jibek jolyn álemdik tarıhtaǵy adamzattyń eń jarqyn jáne mańyzdy jetistikteriniń biri dep ataýǵa bolady. Bul - kóptegen biregeı qalalardyń, tarıhı eskertkishterdiń, ádet-ǵuryptardyń jáne tipti memleketterdiń paıda bolýyna sebep bolǵan Shyǵys pen Batysty biriktirgen orasan zor saýda baǵyty. Bul teńizden teńizge deıingi jol ǵana emes, halyqtardy beıbitshilik pen yntymaqtastyqqa shaqyrǵan kúrdeli mádenı-ekonomıkalyq kópir boldy dep jazady Qamshy.kz aqparat agenttigi. Joba jalpy 2005 jyly jandandy. Jobanyń jetekshisi belgili qazaqstandyq ǵalym, mádenıettanýshy jáne qoǵam qaıratkeri Murat Áýezov. Osy oraıda, búgin Jambyl oblysy Taraz qalasynyń Dostyq úıinde Qazaqstan halqy Assambleıasy men QR Prezıdenti janyndaǵy «Qoǵamdyq kelisim» respýblıkalyq memlekettik mekemesiniń uıymdastyrýymen «Jibek joly boıyndaǵy suhbat - 2019» halyqaralyq mádenıettaný jobasy aıasynda «Jańǵyrý. Orta Azııa halyqtarynyń tarıhı jáne zamanaýı taǵylymy» taqyrybynda iri is-shara bolyp ótti.

Sharanyń uıymdastyrýshylary Qazaqstan halqy Assambleıasy, QR Prezıdenti janyndaǵy «Qoǵamdyq kelisim» respýblıkalyq memlekettik mekemesi bolsa, seriktesteri - Jambyl oblysy ákimdigi, Taraz qalasy ákimdigi, QR Ulttyq kitaphanasy janyndaǵy M.O. Áýezov ǵylymı kabıneti.

Dástúrli qatysýshylar - Qazaqstan Respýblıkasynyń belgili jazýshylary, ǵylymı qaıratkerleri, halyqaralyq sarapshylary - Reseı, Qyrǵyzstan, О́zbekstan, Tájikstan, Tájikstan, Túrikmenstan elderiniń jetekshi ǵalymdary, QHA Ǵylymı-saraptamalyq keńesiniń músheleri, etnomádenı birlestikter men QHA kafedrasynyń músheleri.

Qonaqtardy saltanatty qabyldaý rásimi Jambyl oblysy Qazaqstan halqy assambleıasy men Jambyl oblysy ákimi apparatynyń «Qoǵamdyq kelisim» KMM ókilderiniń quttyqtaýy jáne qonaqjaılylyǵynan bastaldy. Taraz qalasynyń árbir etnosynyń jastary konferensııaǵa qatysýshy sheteldik jáne otandyq qonaqtardy qyzyldy-jasyldy jarqyn tústi ulttyq ásem kıimderimen tań qaldyrdy. Sondaı-aq, sán-saltanaty kelisken ulttyq kıimdegi arýlar forýmǵa qatysýshylarǵa qazaq ulttyq taǵamdary: qurt, súzbe, irimshik, jent jáne baýyrsaq taǵamdaryn usynsa, qonaqtardy oblystyq fılarmonııanyń «Alataý» folklorlyq ansambli áýezdi ásem sazdy kúıimen qarsy aldy.

Is-sharanyń bastaýy Qazaqstan Respýblıkasy Prezıdenti janyndaǵy «Qoǵamdyq kelisim» RMM dırektory, tarıh ǵylymdarynyń doktory, professor Májıtov Sattar Fazyluly jáne Jambyl oblysy ákiminiń orynbasary Qurmanbekova Sulýshash Satbekqyzynyń quttyqtaý sózderimen ashyldy.

«Suhbat - 2019» aıasynda Uly Jibek Joly elderiniń jas avtorlary arasyndaǵy Halyqaralyq ALQA ádebı baıqaýynyń tusaýkeseri ótti. Sonymen birge konferensııaǵa qatysýshylar men qonaqtar Taraz qalasynyń tarıhı eskertkishterimen tanysyp, ulttyq qolóner, kitap kórmelerin, sondaı-aq «Jibek joly boıyndaǵy suhbat» jobasy jaıly túsirilgen derekti fılmdi (rejısser - E.Soı) tamashalady.