Basty maqsat - sapaly bilim, sanaly tárbıe

Elbasymyz N.Á.Nazarbaevtyń bilim salasyn damytýǵa degen erekshe qamqorlyǵynyń arqasynda bilim berý júıesindegi mańyzdy máseleler der kezinde sheshimin tabýda. Jasalǵan jaǵdaılar nátıjesinde ótken oqý jylynda kóptegen jetistikterge qol jetkizildi. Máselen Jambyl oblysy Moıynqum aýdanynda 2019-2020 oqý jylynda barlyǵy 986 muǵalimniń 523-y joǵary jáne birinshi sanatty ustazdar tizimine endi. Jańa attestattaý júıesine sáıkes 80 pedagog-zertteýshi, 114 pedagog-sarapshy biliktiligin aldy, dep jazady Qamshy.kz aqparat agenttigi. 

2019-2020 oqý jylynda 4, 9,10 synyptar jańartylǵan bilim mazmunyna kóshti. Demek, muǵalim balalardy osy jańartylǵan bilim mazmunyna kóshýge daıyndaý kerek. Onyń bir joly – bilim alýshy qyzmetin jandandyrý tásilderin paıdalaný, olarǵa barynsha derbestik berý. Jańartylǵan bilim berý mazmuny boıynsha 612 pedagog biliktiligin arttyrý kýrstarynan ótti.Aýdanda oblystyq, respýblıkalyq baıqaýlarǵa, ǵylymı jobalarǵa, olımpıadalarǵa qatysyp, júldeli orynǵa ıe bolǵan ustazdardyń eńbegin maqtanyshpen aıtýǵa bolady. Olardyń qatarynda HH oblystyq Abaı oqýlaryna Jambyl mektep-gımnazııasynyń 6 synyp oqýshysy Shámil Nesipbaı qatysyp, 2-oryndy ıelendi. Pán muǵalimi Álııa Saýryqova daıyndaýda qosqan eleýli úlesi úshin Alǵys hatpen marapattaldy.Qazaq tili men ádebıeti páni boıynsha ótkizilgen Respýblıkalyq «Altyn tobylǵy» zııatkerlik olımpıadasyna aýdannan 50 oqýshy qatysyp, 6 oqýshy 1-oryndy ıelendi. Pán muǵalimderi Svetlana Ospanova (M.Jumabaev at. m-l), Altynaı Qalymbetova (M.Jumabaev at. m-l), Aıdana Tahanova (K.Qasymov at. o/m), Tolqyn Tleýlıeva (T.Rysqulov at. t/m), Nazgúl Jupbaeva (Q.Rysqulbekov o/m), Dalmıra Dáýrenbekova (B.Momyshuly o/m). Oblystyq «Eń úzdik mektepaldy daıarlyq pedagogy» mektepaldy daıarlyq pedagogtarynyń kásibı bedelin arttyrý jáne jas mamanǵa qoldaý kórsetý,úzdik pedagogıkalyq tájirıbelerdi nasıhattaý barysynda Á.Moldaǵulova atyndaǵy negizgi mektebiniń pedagogy Tańsholpan Áýken III-oryndy ıelendi.

Bul aýdan jastarynyń jeńisiniń bir parasy ǵana. Aldaǵy ýaqytta moıynqumdyq jastar budan da bıik belesterge jetetinine senimdimiz. Sebebi toqpaǵy myqty bolsa, kıiz qazyq jerge kiretinin umytpaǵan jón. Bul oraıdy moıynqumdyq muǵalimderdiń de biligi men bilimi joǵary ekeni haq.