Mektepterdiń metarıaldyq-tehnıkalyq bazasy nyǵaıýda

Memleket basshysy Q.Toqaev Qazaqstan halqyna jasaǵan alǵashqy Joldaýynda basym baǵyttardyń biri retinde bilim berý salasyn damytýǵa basa nazar aýdarǵany belgili. Bul turǵyda oqýshylardyń oı-órisin damytý men muǵalimderdiń biliktiligin arttyrýdan bólek mektepterdiń materıaldyq-tehnıkalyq bazasyn nyǵaıtýdyń da mańyzy zor. Búginde Taraz qalasynda bul baǵytta aýyz toltyryp aıtarlyqtaı jumystar atqarlylýda.

Aıta ketý kerek, bıyl qaladaǵy mektepterdiń materıaldyq-tehnıkalyq jaǵdaıyn nyǵaıtý maqsatynda №41 gımnazııaǵa bıologııa kabınetin alýǵa 5,7 mln. teńge, №11 mektepke fızıka kabınetin alýǵa 7,1 mln. teńge, №18 mektepke hımııa kabınetin alýǵa 6,6 mln. teńge, 28 mekteptiń pandýstaryn talaptarǵa sáıkestendirýge 31,2 mln. teńge, 10 mektepke robottehnıka kabınetin alýǵa 87,8 mln. teńge jáne 16 mekteptiń beınebaqylaýyn jańartýǵa 55,2 mln. teńge qarajat qarastyrylyp, konkýrstyq jumystar júrgizilýde. Sonymen qatar, №5, 45, 51, 54 mektepterden IT synyptaryn ashýǵa jergilikti bıýdjetten 44,6 mln. teńge qarastyryldy. Mektepten tys tehnıkalyq shyǵarmashylyq ortalyǵynan tehnopark ashýǵa 14,8 mln. teńge bólindi.

Esepti jyly №№8, 12, 14, 39, 52, 50, 57, 15, 23 mektepterdi aǵymdaǵy jóndeýden ótkizýge 26,9 mln. teńge qarastyrylyp, jóndeý jumystary júrgizildi.

Qazirgi tańda, keıbir mektepterde basqa da kúrdeli máseleler sheshýdi qajet etedi. Olar, №22 mektepke akt zaly men ashanaǵa arnalǵan jáne №7 mektepke akt zaly men 5 synyp bólmelerge arnalǵan japsarlas ǵımarattarynyń qurylystaryn júrgizý kerek. Bul máseleler boıynsha jobalyq smetalyq qujatamalardy ázirleý jumystary osy jyly bastalyp, qurylysty 2021 jyly júrgizý kózdelýde.

Sonymen qatar oblys deńgeıinde bekitilgen bilim nysandary qurylysynyń Jol kartasyna sáıkes, «Shalǵaı-Qarasý» jáne «Baryshan» turǵyn alqaptarynda árqaısysy 600 oryndy mektepterdiń jáne «Kazarma» alqabynda 180 oryndy mekteptiń qurylystary, 2021 jyly «Araı» jáne «Qaınar» alqaptarynda árqaısysy 600 oryndy mektepterdiń qurylystary josparlanýda.

Atalǵan nysandar boıynsha qazirgi tańda jobalyq-smetalyq qujatamalary ázirlenýde.

Al, №1 lıseıge 300 orynǵa arnalǵan japsarlas ǵımarattyń jobalyq smetalyq qujattamalary ázirlenip, memlekettik saraptamadan shyqty. 2020 jyly joǵary turǵan bıýdjetke usynylatyn bolady.