• USD 389.52
  • EUR 429.21
  • RUB 6.07
  • CNY 54.94
14 Qazan, 05:27:03
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

07 Qazan, 2019 Aımaqtar

Kósheler jaryqtandyrylyp, baǵdarshamdar rettelýde

Memlekettik baǵdarlamalardyń nátıjesinde Taraz qalasynda da talaı tirlik tiktelýde. Ásirese, ınfraqurylymdy damytý, onyń ishinde kóshelerdi jaryqtandyrý, elektr jelilerin jańǵyrtý syndy jumystar júıeli júıei júzege asýda.

Aıta ketý kerek, qaladaǵy kóshelerdi jaryqtandyrý jáne elektr jelilerine qyzmet kórsetý jumystary turaqty qamtamasyz etilýde. 2019 jylǵa osy salaǵa 605,8 mıllıon teńge qarastyrylǵan.

Kóshelerdi jaryqtandyrý boıynsha aǵymdaǵy jyly 2 dańǵyl men 27 kóshelerde temir beton baǵanalardy metaldyq baǵanalarǵa aýystyrý, svetodıodtyq shamdaryn ornatý jáne kabelderdi jer astymen júrgizý jumystary atqarylatyn bolady.

Budan basqa, qalanyń 99 qıylysyndaǵy jol belgileri men baǵdarshamdardyń baǵanalaryn aýystyrý jumystary júrgizilýde. Bul baǵanalarda qosymsha ýaqytty keri eseptegish jáne kóshe ataýlaryn baǵyttaıtyn belgiler ornatylýda.

Qaladaǵy jaryqtandyrylǵan kóshelerdiń jalpy sany - 170, burylystar - 50, móltek aýdandar - 13, turǵyn alqaptar - 5, jalpy uzyndyǵy - 476,82 shaqyrymdy quraıdy.

Sonymen qatar kóne shahardaǵy kólik keptelisin azaıtý jáne kólik qozǵalysyn yńǵaılandyrý maqsatynda, tehnıkalyq qadaǵalaý ınspeksııasynyń qyzmetkerlerimen birlese, qaladaǵy birneshe kósheniń qıylystaryndaǵy baǵdarshamdar ýaqytsha óshirilip, nátıjesi zerdelenýde.

Atap aıtqanda: Súleımenov - Jalaırı, Súleımenov - Krýpskaıa, Balýan Sholaq - M.Mámetova, Abaı - Sýhambaev, Sýhambaev - №5 orta mektep aldyndaǵy baǵdarsham, Jambyl-Senkibaı, Tóle bı –«Hrom zaýyt» aıaldamasy aldyndaǵy baǵdarshamdar.boıynsha naqty jumystar júrgizilýde.

Sondaı-aq, Abaı dańǵyly men Petrov kóshesiniń qıylysy mańyndaǵy baǵdarsham alynyp tastaldy.

Taǵy bir aıta keterligi, Taraz qalasyndaǵy 10 kóshe qıylystarynda «aqyldy baǵdarsham» kólik qozǵalysyn ıntellektýaldy basqarý júıesi engizilgen. Atap aıtqanda mundaı qondyrǵylar búginde Tóle bı dańǵyly - Ál-Farabı kóshesi qıylysy; Jibek joly kóshesi - Samarqand kóshesi qıylysy; Jibek joly kóshesi - Balýan Sholaq kóshesi qıylysy; Táýke han kóshesi - Sańyraq batyr kóshesi qıylysy; Jambyl dańǵyly - Kósheneı kóshesi qıylysy; Tóle bı dańǵyly - Aqqozıev kóshesi qıylysy; Abaı dańǵyly - Tashkent kóshesi qıylysy),Jambyl dańǵyly - Sátpaev kóshesi qıylysy; Jambyl dańǵyly - Nıetqalıev kóshesi qıylysy jáne Jambyl dańǵyly - Súleımenov kóshesi qıylysynda iske qosylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir