Tarazda kópqabatty turǵynúıler kúrdeli jóndeýden ótýde

Qalalarda ornalasqan kópqabatty turǵynúılerdi jóndeý máselesi kóp jyldardan beri kún tártibinen túspeı keldi. Shatyrdan sý aǵyp, jertóleler isten shyǵyp, jergilikti jurtshylyqtyń shamyna tıgeni jasyryn emes. Al memleket jeke ıeliktegi páterlerdi qalpyna keltirýge qarajat bóle almaıdy. Deıturǵanmen bul máseleler Turǵynúı-kommýnaldyq sharýashylyqty jańǵyrtýdyń memlekettik baǵdarlamasy aıasynda oń sheshimin taba bastady. Keıinirek bul baǵyttaǵy jumystar óńirerdi damytýdyń 2020 jylǵa deıingi baǵdarlamasy sheńberinde qarqyn ala tústi.

Búgingi kúni Taraz qalasy boıynsha turǵyn úı qoryna kiretin 1298 kóppáterli turǵyn úıler bar. Onyń ishinde bir qabatty barak tıptes 151, eki qabatty 205, úsh qabatty 21, tórt qabatty 164, bes qabatty 732, alty qabatty 2, jeti qabatty 1, toǵyz qabatty 16, on qabatty 5, on eki qabatty 1 úı bar.

Kondomınıým nysany retinde ádilet basqarmasynda 981 kóp páterli turǵyn úı tirkelgen nemese 85,5 paıyzdy quraıdy. Búgingi kúnge jalpy 166 turǵyn úılerdi kondomınıým obektisi retinde ádilet basqarmasyna tirkeýdi qajet etedi.

Qaladaǵy kóp páterli turǵyn úılerge 939 qural ornatýdy qajet etedi. Búgingi kúnge, jalpy 874 qural ornatylǵan. Bul 93 paıyzdyq qamtylýdy kórsetedi. Onyń ishinde: «Jambyl-Jylý» MKK 90 qural, «Temirjol-Jylý» MKK 19 qural, «Sofııa» JShS 1 qural, «T.I.Batýrov atyndaǵy JGRES» AQ 8 qural jáne «TarazTransEnergo» MKK 756 qural ornatqan.

Jalpy, óńirlerdi damytýdyń 2020 jylǵa deıingi baǵdarlamasynyń turǵyn úı qoryn qaıta jańǵyrtý tetigin iske asyrý bastalǵan kezeńde, 516 kondomınıým nysandary kúrdeli jóndeýdi qajet etken bolsa, 2011-2015 jyldary respýblıkalyq bıýdjet esebinen jalpy 2 mıllıard 158 mıllıon teńge qarajat bólingen. Osy qarajat esebinen jáne 748,0 mıllıon teńge qaıtarym qarajat esebinen 2011-2018 jyldary aralyǵynda 221 úı jóndeýden ótken. Onyń ishinde 114 úıge kúrdeli, 107 úıge aǵymdaǵy jóndeý jumystary júrgizildi.

Al, 2019 jyly qala bıýdjetinen 545,5 mıllıon teńgege 19 úı jáne qaıtarym qarajat esebinen 5 úı, ıaǵnı 24 úıge kúrdeli jóndeý jumystary júrgiziletin bolady. Atap aıtqanda «Jaılaý» móltek aýdanyndaǵy №2,5A,9 úıler, «Karataý» móltek aýdanyndaǵy №14,29,33 úıler; «Talas» móltek aýdanyndaǵy №12,14,18 úıler tolyqtaı jańǵyrtylady. Sonymen qatar «Samal» móltek aýdanyndaǵy №31,49,25,50 úıler; «Myńbulaq» móltek aýdanyndaǵy №51,53 úıler; «Saltanat» móltek aýdanyndaǵy №18,30 úı; «Aqbulaq» móltek aýdanyndaǵy №12,6 úıler, «Qarasý» móltek aýdany №6 úı, «Alataý» móltek aýdany №12,49 úı, Rysbek batyr kóshesindegi 9 úıler kúrdeli jóndeý kórmek.

2019 jylǵy 1 qyrkúıektegi jaǵdaı boıynsha páter ıelerinen qaıtarylǵan qarajat 1 mıllıard 291,9 mıllıon teńgeni quraǵan.