• USD 468.56

  • EUR 497.56

  • RUB 7.3

  • CNY 67.18

29 Naýryz, 08:58:18
Almaty
+35°

Buqarany baspanamen qamtý- Memleket basshysy Q.Toqaevtyń Joldaýynda aıqyndalǵan mindetterdiń biri. Osy oraıda Prezıdent: «Meniń Úkimetke tapsyrmam – kezekte turǵan az qamtylǵan kóp balaly otbasylarǵa baspana berý máselesin úsh jyl ishinde sheshý kerek. Búginde olardyń sany 30 myńǵa jýyq.

Baspana satyp alýǵa jaǵdaıy joq azamattarǵa áleýmettik jalǵa alý tártibimen qonystaný úshin múmkindik berý qajet». Dep naqty mindetter júktedi.

Búginde bul baǵytta Taraz qalasynda qarqyndy jumystar júrgizilýde. Aldaǵy maqsattar da aýqymdy. Mysaly, 2020-2021 jyldary 80 páterli 23 turǵyn úılerdiń qurylystaryn júrgizý josparlanýda.

Al jeke turǵyn úıler qurylysy boıynsha Súleımenov kóshesiniń sońyndaǵy alqapta 555 jer teliminde jeke ınvestorlar tarapynan nesıege beriletin biryńǵaı sáýlettik stıldegi kottedjdik úılerdiń qurylystaryn júrgizý úshin jer telimderi belgilengen. Onyń 255-ne 4 merdiger kelisim shartqa turdy. Qazirgi tańda 14 úıdiń qurylystary aıaqtalyp, 4 úıge áleýetti satyp alýshy anyqtaldy. Budan bólek, qosymsha 26 úıdiń qurylysy júrgizilýde. Osy úılerdi satý maqsatynda 2006 jyly jer ýchaskesin alýǵa kezekte turǵan azamattarǵa túsindirý jumystary aıaqtalýda. Osy jumystar kezeń -kezeńimen óz jalǵasyn tabatyn bolady.

Esepti kezeńge jeke turǵyn úı qurylysyn júrgizý úshin jer telimderin alýǵa 72 250 azamat kezekte tur. Osy maqsatta jer kezeginde turǵan azamattarǵa aldaǵy ýaqytta jer telimderin berý úshin 4 alań daıyndalýda.

Olar, Asqarov kóshesiniń sońynda, «Hamýkat», «Qarasaı», «Qumshaǵal» jáne «Shalǵaı Qarasý» alqaptaryndaǵy 932,6 gektar. Bul jerde barlyǵy 3752 kezekte turǵan azamattardy jermen qamtý josparlanýda. Alqaptarda ınjenerlik ınfraqurylym jelilerin júrgizýge jobalaý smetalyq qujattamalaryn ázirleý qala bıýdjetinen iske asyrylyp jatsa, qurylys jumystaryn júrgizýdi joǵary turǵan bıýdjetter esebinen júrgizý kózdelýde.

Budan bólek, 2012 jyldan beri «Kóltoǵan» alqabynyń mańyndaǵy 250 gektar alańynda bólingen 1232 jer telimderin túgendeý jumystary júrgizilip, nátıjesinde paıdalaný merzimi ótken 127 jer ýchaskileri memleket menshigine qaıtaryldy. Osy jerler kezekte turǵan azamattarǵa qaıta beriletin bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir