• USD 389.52
  • EUR 429.21
  • RUB 6.07
  • CNY 54.94
15 Qazan, 10:32:25
Ermekbaev: Jumys qaýipti, ómirleri úshin qaýip-qater bar

07 Qazan, 2019 Aımaqtar

Bas josparǵa sáıkes baǵdarly jumystar iske asady

Prezıdent Q.Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda ınfraqurylymdy damytý jaıyna da aıryqsha nazar aýdardy. Osy oraıda Memleket basshysy «Aldaǵy úsh jyl ishinde turǵyndardy taza aýyz sýmen jáne sý jetkizýmen qamtamasyz etýge shamamen 250 mıllıard teńge bólinedi.

Atqarýshy bılik organdary «Nurly jol» baǵdarlamasyn tolyq jáne sapaly iske asyrýǵa basa mán berýi kerek.

Bul – strategııalyq joba. Sonyń arqasynda búkil kólik ınfraqurylymy jańǵyrtylady.

Osy maqsatqa oraı, memleket 2022 jylǵa deıin 1,2 trıllıon teńgeden astam ınvestısııa salady» dep atap kórsetti.

Qazirgi tańda Taraz qalasynda ınfraqurylymdy damytý máselesi shahardyń 2010 jyly bekitilgen bas josparymen sáıkestendirile júrgizilýde.

Búgingi kúnge, bas jospardaǵy qaıta jańǵyrtylatyn aýmaqtar 55,7 paıyzǵa egjeı-tegjeıli josparlaýmen qamtylǵan. Bolashaqta bas jospardy tolyq oryndaý maqsatynda jalpy 7 072 gektar kólemin egjeı-tegjeıli josparymen qamtý qajet. Osy jumystar úsh kezeńge bólinip, ústimizdegi jyly 2 960 gektar aýmaq egjeı-tegjeıli josparlaý jobalarymen qamtylatyn bolady.

2018 jyly, alǵashqy kezeńderge qurylys jumystaryn jobalaý maqsatynda qala ortalyǵynyń 102 gektaryna, «Tekturmas» tarıhı-memorıaldyq kesheniniń 59 gektaryna, «Araı» turǵyn alqabynyń 241 gektaryna jáne «Kóltoǵan», «Jıdeli», «Qarasaı», «Qyzyl-Abad» turǵyn alqaptarynyń 556 gektaryna, jalpy 958 gektaryna egjeı-tegjeıli josparlaý jobalary ázirlendi.

Qaladaǵy ózekti máselelerdiń biri «Qumshaǵal», «Shóldala» turǵyn alqaptarynyń aýmaǵynda ornalasqan 28 saıajaıǵa «turǵyn alqaby» mártebesin berý maqsatynda jalpy 1028 gektarǵa egjeı-tegjeıli josparlaý jobasy bekitilip, saıajaı turǵyndary jer bólimine ótinishterin berýde.

Kelesi kezekte, qaladaǵy 6 418 gektar qurylys júrgizilgen aýmaqtarda ınjenerlik geodezııalyq jumystaryn júrgizýge kóńil bólinýde. 2019 jyly onyń 3086 gektary qala bıýdjeti jáne «Qala kadastr» kásiporyny esebinen topo túsirilimmen qamtylatyn bolady. Bul jumystar kezeń-kezeńimen júrgiziledi. Osylaısha Taraz qalasyndaǵy tyndyrymdy tirlikter ret-retimen iske asýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir