Kóne shahar kórkeıe túsýde

Keıingi jyldary Jambyl oblysynyń ortalyǵy-Taraz qalasy adam tanymastaı ózgerdi. Aımaq basshysy Asqar Myrzahmetovtiń tyń tapsyrmalarynyń nátıjesinde kóne shaharda kóz toıyp, kóńil tolatyndaı kóp jumys atqarylýda. Sándi sýburqaqtar, kelisti kósheler, ajarly alleıalar-osy sózimizdiń bir dáleli. Aıta ketý kerek, bul baǵyttaǵy jumystardyń bir sátke de tolastaǵan emes.

Mysaly, bıyldyń ózinde qalany abattandyrý, kógaldandyrý jáne sanıtarlyq tazalyq jumystaryna 1 mıllıard 870,8 mıllıon teńge bólindi.

Esepti kezeńde 27 dana qýraǵan apatty taldar túbinen jáne 11 086 aǵashtyń qýraǵan butaqtary kesilse, 298 tal aǵashtary balaqtaldy.

Budan bólek, qala kósheleriniń boıyndaǵy 11640 taldar áktelse, 2004 elektr baǵanalary, 170 gúl saýyttary, 396 qoǵamdyq oryndyqtar, 290 qoqys tastaıtyn jáshikter, 200 myń sharshy metr aıaldamalar jáne 4836 sharshy metr qorshaýlarmen týrnıketter syrlandy. Avtokóliktermen kóshe boıyndaǵy 5240 tekshe metr turmystyq qatty qaldyqtar jáne 3040 tekshe metr kezdeısoq kúl-qoqystar shyǵarylsa, 5,8, myń sharshy metr jer qolmen tazalandy.

2019 jyly ırrıgasııa júıelerin tazalaý jumystaryna 148,0 mıllıon teńge qarastyrylǵan. Esepti kezeńde Sańyraq batyr kóshesinen Baızaq batyr kóshesi aralyǵyndaǵy drenajdyq kanalynyń 1700 metr arnasy, Y.Dúkenuly kóshesinen Baızaq batyr kóshesine deıingi Áshimbaev kóshesi boıyndaǵy «Qarasý-2» kanalynyń 980 metr arnasy, Asqarov kóshesinen «Býryl» stansasyna deıingi aralyqtaǵy «Qapal» kanalynyń 650 metr arnasy mehanıkalyq tazalandy.

Qala boıynsha jalpy 8 kanal bar. Olardyń uzyndyǵy - 82,55 shaqyrymdy quraıdy. Onyń ishinde: «Seńkibaı» kanaly 10 shaqyrym, «Qapal» kanaly 10 shaqyrym, «Úshbulaq» kanaly 13,9 shaqyrym, «Qarasý-1» kanaly 3,35 shaqyrym, «Qarasý-2» kanaly 12,4 shaqyrym, «Tóregeldi» kanaly 5,7 shaqyrym, «Bazarbaı» kanaly 3,2 shaqyrym, «Túıte» kanaly 24 shaqyrymdy quraıdy.

Drenaj kanalynyń sany ekeý. Olardyń uzyndyǵy 12,7 shaqyrym shamasynda. Mysaly, «Ońtústik qurǵatý» kanaly 10 shaqyrym, «Taıvan alqabyn qurǵatý» kanaly 2,7 shaqyrym.

Qalanyń ırrıgasııalyq aryq júıeleriniń jalpy uzyndyǵy - 164 shaqyrym. Onyń ishinde: lotok júıesi - 21,4 shaqyrym, sýarmaly jerlerdiń kólemi – 9,1 shaqyrym. Gıdrotehnıkalyq qurylǵylar sany - 24 dana, qubyr ótkelderdiń sany - 560 dana, kanaldaǵy sý qalqanshasynyń (shlıýz) sany - 71 dana, aryq júıesindegi sý qalqanshasynyń sany - 120 dana.