• USD 389.52
  • EUR 429.21
  • RUB 6.07
  • CNY 54.94
15 Qazan, 10:27:08
Ermekbaev: Jumys qaýipti, ómirleri úshin qaýip-qater bar

06 Qazan, 2019 Aımaqtar

Jambylda eldi mekender kezeń-kezeńimen gazdandyrylýda

Elbasy Nursultan Ábishuly Nazarbaevtyń «Bes áleýmettik bastamasynda» eldi mekenderdi gazben qamtamasyz etýdi jalǵastyrýǵa aıryqsha kóńil bólingeni belgili. Baıandy bastamalar aıasynda Jambyl oblysynda da is-sharalar jospary bekitilip, atqarylatyn jumystardyń aýqymy keńeıip keledi.

Búginde Áýlıeata óńirinde 377 eldi meken bar. Onyń ishinde 181 gazdandyrylǵan. Iаǵnı, kógildir otynmen qamtamasyz etilgen eldi mekenderdiń kórsetkishi 48 paıyzdy qurap otyr. Bolashaqta, dálirek aıtqanda 2019-2027 jyldary 196 eldi meken gazdandyrylady dep kútilýde. Sonda oblys boıynsha qamtylý kórsetkishi 100 paıyzdy quramaq.

Jambyl oblysy ákimdigi energetıka jáne kommýnaldyq sharýashylyq basqarmasynyń málimetine súıensek, sońǵy 10 jyl ishinde óńirde 133 eldi meken gazdandyrylǵan. .

2019 jyly eldi mekenderge gaz keltirý qubyrynyń qurylysyna Respýblıkalyq jáne oblystyq bıýdjetten 6,1 mıllıard teńge bólinip otyr. Bul jobalar tolyq iske asqan kezde 5 aýdannyń 81 eldi mekeninde turatyn 101 myń adamnyń jaǵdaıy jaqsaratyn bolady. Atap aıtqanda Shý aýdanynyń 18 eldi mekeninde 22 130 adam, Jambyl aýdanynyń 13 eldimekeninde 12 631 adam, Jýaly aýdanynyń 15 eldi mekeninde 9 457 adam kógildir otynǵa qol jetkizbek. Sonymen qatar Sarysý aýdanynyń ortalyǵy- Jańatas qalasyna deıin salynatyn gaz keltirý qubyrynyń qurylysyna 3 mıllıard teńge bólinip otyr. Nátıjesinde 14 eldimekendegi 39 539 adam jul aýqymdy jumystyń ıgiligin kórmek. Osy oraıda Jańatas qalasyna deıin tartylatyn qubyr qurylysyna 2020 jyly qalǵan 4,7 mıllıard teńge josparlanǵanyn aıta ketý kerek. Onyń ishinde tek qana respýblıkaǵa qaramaı, Baızaq aýdanynyń 21 eldi mekenine gaz keltiretin qubyr qurylysyna oblystyq bıýdjetten 1,3 mıllıard teńge bólindi.

Eldi mekenderdiń ishinde gaz taratatyn qubyr qurylysyna jobalyq-smetalyq qujattardy daıyndaýǵa 2019 jyly oblystyq bıýdjetten 52 820 myń teńge bólinip, 5 238 adamdy ortalyqtandyrylǵan gaz torabyna qosý qarastyrylýda. Bul tizimge Jambyl aýdanynan – 5 eldi meken, Jýaly aýdanynan 7 eldi meken, Shý aýdanynan 2 eldi meken enip otyr. Jyl sońyna deıin Talas jáne Sarysý aýdandarynan 9 eldi mekendi ortalyqtandyrylǵan gaz torabyna qosyp, gazdandyrylǵan eldi meken sanyn 190-ǵa jetkizý boıynsha jumys júrgizilýde. Bul turǵyda eldi mekenderdi gazben qamtýdyń úlestik sany 50 paıyzdy quraıtyn bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir