"Sıfrlyq Qazaqstan" baǵdarlamasynyń jemisi

«Sıfrlyq Qazaqstan» memlekettik baǵdarlamasy aıasynda, Taraz qalasynda búgingi kúni TKSh, qaýipsizdik, bilim berý, kólik baǵyttary boıynsha jumystar júrgizilýde.

Osy baǵyttardyń biri «Open-Akimat» formatynda, bir mezette túrli máselelerdiń sheshimine «bir tereze» qaǵıdasymen sapaly qyzmet kórsetý maqsatynda qala ákimdiginiń sáýlet jáne qala qurylysy jáne jer qatynastar bólimderi Júnisalıev kóshesi, №1 meken –jaıǵa ornalasyp, jumystaryn bastady.

Sondaı-aq, «Járdem» - 109 biryńǵaı dıspetcherlik kommýnaldyq qyzmeti ortalyǵyn ashý boıynsha naqty nátıjege qol jetkizilip, atalmysh mekeme Tóle bı dańǵyly, №35 meken-jaıda iske kirisip ketti.

Al, bilim salasy boıynsha №41 mektep gımnazııasynda oqýshylardyń sabaqqa kelý jáne úılerine qaıtý merzimderin tirkep otyratyn «Qaýipsiz mektep» jobasy engizildi. Sonyń aıasynda 16 mektepte beınebaqylaý júıesi jańartyldy. Sondaı-aq qaladaǵy 41 mektepte Wi-Fi symsyz ǵalamtor jelisi ornatylsa, 5 mektep robototehnıka kabınetterimen qamtyldy. Budan basqa, oblys ortalyǵynda respýblıkalyq deńgeıde aldyńǵy qatarda sanalatyn «Taraz-Hab» IT-mekemesi 4 mektepke IT kabınetin jabdyqtaý jumystaryn bastady. Jyl sońyna deıin orta mektepterde 10 dana robototehnıka synyptaryn ashý kózdelýde.

Sonymen qatar, «Nazarbaev zııatkerlik mektebi» AAQ-nyń bazasynda 67 ınformatıka muǵalimderin baǵdarlamalaý, robototehnıka, 3D modeldeý boıynsha oqytý jáne kásibı damytý, mektepterge 706 dana kompıýter jáne mýltımedııalyq tehnıkamen jabdyqtaý, mektepke deıingi bilim mekemelerine kezekke qoıý men joldama berý qyzmetin avtomattandyrýdy iske asyrý, foto jáne beınejazý júıesin jáne mektep ashanalarynda qolma-qol aqshasyz tólem júıesin engizý, vırtýaldy jáne tolyqtyrylǵan shyndyq zerthanasyn ashý, 2019-2020 oqý jyldarynda 4-synypqa «Aqparattyq-kommýnıkasııalyq tehnologııalar negizderi» pánin engizý josparlanýda.

Budan basqa kitaphana oqyrmandarymen birlese shyǵarmashylyq is-áreket jasaý maqsatynda 2019 jylǵy 2-shi jartyjyldyqta M.Sholohov kitaphanasynan «Kovorkıng» ortalyǵyn ashý kózdelýde.

Bızneske qolaıly jaǵdaı jasaý maqsatynda «E-arhıtektýra» júıesin qalyptastyrý jolymen elektrondy kartasyn júıelendirý bastalady.

Kólik salasyn sıfrlandyrý boıynsha qaladaǵy jolaýshylar marshrýttaryn úzdiksiz qozǵalys kesteleriniń jáne jyldamdyq rejımderiniń saqtalýy únemi qadaǵalanyp otyratyn online rejıminde GPS-navıgasııalaý taraz-bus.kz saıty jetildirildi. Sonymen qatar, aǵymdaǵy jyly 43 baǵyttaǵy 670 qoǵamdyq kólikterge elektrondy bılettendirý qurylǵysyn engizý jumystary bastalyp, 2020 jyly aıaqtalatyn bolady.