• USD 389.52
  • EUR 429.21
  • RUB 6.07
  • CNY 54.94
15 Qazan, 10:26:42
Ermekbaev: Jumys qaýipti, ómirleri úshin qaýip-qater bar

06 Qazan, 2019 Aımaqtar

Baıypty baǵdarlamanyń laıyqty nátıjesi

Búginde «Nurly jer» turǵyn úı qurylysy baǵdarlamasy aıasynda Taraz qalasynda qyrýar jumys atqarylýda. Bir ǵana mysal, Súleımenov kóshesiniń sońyndaǵy 362 gektarda 10 myń 300 otbasyna arnalǵan 280 kópqabatty úılerdi quraıtyn 15-shi móltek aýdanyńyń qurylysy qarqyndy júrgizilýde. Alqaptyń baılanys, káriz, sý jáne gaz qubyrlary jelileriniń qurylystary aıaqtalyp, elektrmen qamtý, ishki kvartaldyq kólik jolynyń jáne jylý jelileriniń qurylysy iske asyrylýda. Qazirgi tańda 80 páterli 19 turǵyn úı paıdalanýǵa berilip, budan basqa 80 jáne 60 páterli 16 turǵyn úıdiń qurylysy jandanýda. Sonymen qatar, 80 páterli arendalyq 11 turǵyn úıdiń qurylysyn bastaýǵa qala bıýdjetinen 22,0 mıllıon teńge qarjy qarastyryldy.

Atalǵan baǵdarlama aıasynda, «Avtobeket» aýmaǵyndaǵy 100 gektarda bolashaqta soǵylatyn 14-shi móltek aýdanynda 5 460 otbasyna arnalǵan 9 jáne 12 kópqabatty 49 turǵyn úı josparlanýda. Qazirgi tańda atalǵan alqap gaz jáne baılanys jelilerimen qamtamasyz etilse, jylýmen qamtý jumystary 2019 jyldyń qyrkúıek aıynda aıaqtalatyn bolady. Jalpy ınjenerlik ınfraqurylymdarynyń qurylys jumystaryn 2021 jyly tolyǵymen aıaqtaý josparlanýda.

Al, aýmaqtardy damytý baǵdarlamasy sheńberinde qalany kórkeıtý men týrızmdi damytý maqsatynda birqatar jumystar iske asyrylýda. Atap aıtqanda, burynǵy «Atshabar» alleıasy «Jastar alleıasy» bolyp ózgertilip, atalǵan alleıada «Bilim», «Qarahan – Aısha bıbi» stellalary jáne zamanaýı sý burqaqtar ornatyldy. Sondaı-aq, alleıanyń ortańǵy bóliginde ǵalamtor jelisine úzdiksiz qosylýǵa múmkindik beretin ınternet-kafe boı kóterse, alleıaǵa úlken LED-ekran qoıylyp, jaz mezgilinde konsertter men kıno kórsetiletin bolady. Sonymen qatar, Jeńis meıramy qarsańynda B.Momyshuly atyndaǵy «Jeńis» saıabaǵynda «Dańq zalynyń» qurylysy aıaqtalyp, halyq ıgiligine paıdalanýǵa berildi.

Qalany kórkeıtý jumystaryn jalǵastyrý maqsatynda, ústimizdegi jyly Tóle bı dańǵyly boıymen Sypataı batyr kóshesinen bastap «Qarahan» kesenesine deıingi skveri, jaıaý júrginshiler aımaǵy men alleıasyn (arbat) abattandyrý men «Kóne-Taraz» kesheniniń mańynda bıiktigi 40 metrden turatyn «Saǵat» stellasy ornatylatyn bolady.

Budan bólek, Shahrıstan» tarıhı kesheninde ólketaný murajaıynyń, kórme pavılonynyń, «Rýhanııat» ortalyǵynyń, kórkemdik beıneleý óneri, qol-óner sheberleri galereıasynyń jáne «Retro-festıval» amfıteatrynyń qurylys jumystary júrgizilýde. Osy nysandarmen qatar, tarıhı keshenniń abattandyrylýy men ınjenerlik kommýnıkasııalyq ınfraqurylym jelileriniń qurylys jumystary bastalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir