• USD 389.52
  • EUR 429.21
  • RUB 6.07
  • CNY 54.94
19 Qazan, 16:15:39
Nazarbaev: "Nur Otan" halyqty mazalaıtyn máselelerge aralaspaıdy

09 Qazan, 2019 NEWS

Ipoteka. Qandaı baǵdarlamamen baspana alý tıimdi?

Burnaǵy kúni májilis depýtaty Nurtaı Sabılıanov eldegi ıpotekalyq baǵdarlama operatorlaryn qysqartý týraly usynys bildirdi. Onyń sózinshe, "Nurly jer" baǵdarlamasyn iske asyrýmen aınalysatyn 8 operatordyń barlyǵynyń jumysy birdeı halyqqa uǵynyqty emes. Jalpy turǵyndardyń ıpotekalyq baǵdarlamalar týraly jiti bile bermeıtinimen biz de kelisemiz. Sondyqtan baspanaly bolý úshin qaı baǵyt tıimdi, qaı banktiń ústemesi az degen suraqtarǵa Qamshy.kz aqparat agenttiginiń jýrnalısi jaýap izdep kórdi.

Depýtat aıtqandaı, ıpotekalyq operatorlar Qazaqstanda az emes. Ekinshi deńgeıli bankterdiń ózindik ishki baǵdarlamalary taǵy bar. Biraq biz búgingi maqalada anaǵurlym tıimdi ári qoljetimdi usynystar týraly ǵana sóz etpekpiz.

7-20-25

Atalmysh taqyrypty kótergen soń 7-20-25 baǵdarlamasyn aıtpaı ketpeske bolmas. Bul baǵdarlamaǵa bılik úlken mańyz berip otyr. Sondyqtan jıi jarnamalanady. Únemi aralyq qorytyndylaryn shaǵyryp, BAQ arqyly nasıhattap-aq jatyr.

Alaıda qansha maqtaǵanymen "7-20-25" qarapaıym halyq úshin qymbat bolyp shyqty. Máselen, quny 15 mln teńgelik eki bólmeli páter alǵyńyz keldi delik. Onda alǵashqy jarna retinde 3 mln teńge quıýyńyz kerek. Qalǵan 12 mln teńgeni bank qalaýyńyz ben tólem qabiletińizge qaraı jylyna 7 paıyzdyq ósimmen birneshe jylǵa rásimdeıdi. Shamamen 10 jylǵa alsańyz, artyq tólem 8 mln 400 myń teńgeni quraıdy. Sonda bankke jalpy somasy 23 mln 400 myń teńge tóleısiz. Álbette, qarajatyńyz bolsa, qaryzdy eki-úsh jylda jedel jaba alasyz. Ondaıda ústeme anaǵurlym azaıady. Tıimdi tusy – osy. Taǵy bir yńǵaıly jaǵy aqshany aılap, jyldap jınaýdyń qajeti joq. Qolda bastapqy jarnaǵa jeterlik qarajat bolsa, bankke baryp, tańdaǵan úıdi eseptep kórýge bolady. Bul baǵdarlamada kópshilik tólem qabilettilikti tekserýden óte almaı qalyp jatady. О́ıtkeni baǵdarlama boıynsha jalaqy ortashadan joǵary bolýy tıis.

Baǵdarlamany Ulttyq Banktiń enshiles kompanııasy – «Baspana» ıpotekalyq uıymy júzege asyrady. Onyń taǵy «Baspana Hıt» atty baǵyty bar. Ol boıynsha jańa úılermen qatar eski úıdi de nesıege alý bolady. Onda tek bereshektiń jyldyq ósimpuly 10,5 paıyz. Osy eki baǵyt birigip, 1 jyl 3 aıda 22 myńǵa jýyq zaım berilipti. Iаǵnı 22 myń adam osy baǵdarlamamen baspanaly bolǵan. Salystyrý úshin Turǵyn úı qurylys jınaq bankiniń jyl basynan bergi 8 aıdaǵy qorytyndysyna úńileıik. 31 523 kelisim-shart. Aıyrmashylyq ap-anyq. TQJB artynan oralamyz. Ázirge satyp alý quqyǵymen jáne satyp alý quqyǵynsyz beriletin páterler týraly aıtqymyz keledi.

Samuryq-Qazyna jyljymaıtyn múlik qory

О́ńirlerdi damytýdyń 2020 jylǵa deıingi baǵdarlamasy aıasynda Qazaqstannyń ıpotekalyq kompanııasy óziniń qyzmetin aıaqtaǵannan keıin naryqta satyp alý quqyǵymen páter úlestirýshi jalǵyz operator – "Samuryq-Qazyna jyljymaıtyn múlik qory" ǵana qaldy. Atalmysh operatordyń Qazaqstannyń Nur-Sultan, Almaty, Aqtóbe, Shymkent, Qyzylorda syndy qalalaryndy turǵyn úı keshenderi bar.

Bul baǵdarlamaǵa qatysý úshin eshqandaı bastapqy jarnanyń qajeti joq. Tek páterdiń jalǵa alý baǵasynyń úsh eselengen somasy shamasyndaǵy kepildik qarajat bolsa jetedi. Baǵdarlamaǵa qujattar kompanııanyń  saıtty arqyly qabyldanady. Saıtta konkýrstyń jarııalanǵany týraly habarlandyrý jarııalanǵanda qajetti qujattardy jınap, elektrondyq-sıfrlyq qoltańba arqyly olardy tapsyryp úlgerý qajet.

Bul baǵdarlamanyń da kemshil tusy – qymbattyǵynda. Aıtalyq, Almatydaǵy Shuǵyla turǵyn úı keshenindegi aýdany 39 sharshy metrlik bir bólmeli páterdiń aı saıynǵy tólemi 90 myń teńgege jýyq. Kommýnaldyq tólemdermen aı saıyn qaltańyzdan 100 myńnan astam aqsha shyǵady. Osynsha somany maksımaldyq merzim – 14 jyl boıy tóler bolsańyz, bir bólmeli páter quny 14 jarym mln teńgege túsedi. Atalmysh páter qurylys kompanııasynda 9 mln 700 myń teńge turady.

Kartınkı po zaprosý jk shýgyla

Aıta keterligi, bunda da bereshekti erterek qaıtarsańyz, ústemaqy kólemi ájeptáýir azaıady.

Muǵalimder men medbıkelerge qulaqqaǵys

Bilim berý salasynyń qyzmetkerleri men densaýlyq saqtaý salasynyń mamandary úshin arnaıy joba qabyldanǵany jóninde maýsym aıynda habarlanǵan bolatyn. Densaýlyq saqtaý mınıstrligi men Bilim jáne ǵylym mınıstrligi Qazaqstannyń ıpotekalyq kompanııasymen 40 mlrd teńgelik kelisimge qol qoıdy. Ol boıynsha atalǵan salalardyń qyzmetkerlerine arnap satyp alý quqyǵymen 3 myń páter berilmek. Páterdi bastapqy jarnasyz, 20 jyl merzimge alýǵa bolady. Aı saıynǵy tólem – bir bólmeli páter úshin 60 myń teńgege deıin. Tizimdi atalǵan mınıstrlikter ázirleıdi dep kútilýde.

 Jastarǵa arnalǵan páterler

Bıylǵy "jastar jylyna" oraılastyrylyp, satyp alý quqyǵynsyz páterler berý baǵdarlamasy qabyldanǵany belgili. Josparǵa saı, endi budan bylaı elordada, Almaty men Shymkentte jyl saıyn 1000 páter qoldanysqa tapsyrylmaq. Páterler tek jastarǵa, ıaǵnı 29 jasqa deıingi jumys isteıtin azamattarǵa 5 jyl merzimge beriledi. Aı saıynǵy tólem 10 myń men 12 myń teńge aralyǵynda bolady dep josparlanyp otyr. Bul – turmysty túzep, aqsha jınap alýǵa tamasha múmkindik. Baǵdarlamanyń talaptary týraly myna jerden oqı alasyzdar. Bıyldyqqa beriletin páterlerge qujat qabyldaý jýyr arada júrgizilmek. Ol úshin atalmysh qalalardyń turǵyn úı saıasaty basqarmasynyń saıtyn qadaǵalap otyrý qajet.

Kópbalaly nemese tolyq emes, múmkindigi shekteýli balasy bar otbasy bolsańyz

Bıyl iske qosylǵan baǵyttardyń biri – "Baqytty otbasy" baǵdarlamasy. Jyldyq 2 paıyzben beriletin kredıtter kópbalaly otbasylar, tolyq emes jáne múmkindigi shekteýli balasy bar otbasylarǵa arnalǵan. Bastapqy jarna retinde úı baǵasynyń 10 paıyzyn jınaý qajet. Baǵdarlamaǵa saı jańa páter alam deýshilerge, ekinshi naryqtaǵy qoldanystaǵy páter nemese jer úı alam deýshilerge de shekteý joq. Tek qaryz somasy Nur-Sultan, Almaty, Shymkent, Aqtaý jáne Atyraý qalalary úshin 15 mln teńgeden, qalǵan qalalar úshin 10 mln teńgeden aspaýy tıis. Sondaı-aq ákimdikte túrǵyn úı kezeginde turý – mindetti talaptardyń biri. Baǵdarlamaǵa qujat qabyldaý týraly habarlandyrý jergilikti jerdiń turǵyn úı saıasaty basqarmasynyń saıtynda jarııalanady.

 Úsh jyl jına da, úıli bol

Turǵyn úı naryǵyndaǵy eń tanymal, sondaı-aq meılinshe tıimdi ári jalpyhalyqqa arnalǵan baǵyt – Turǵyn úı qurylys jınaq banki usynatyn baǵdarlamalar. Qysqa qaıyrar bolsaq, áýeli isteletin qadam – bankten depozıt ashý. Onyń somasy shartty túrde belgilenýi múmkin. Biraq ol mańyzdy emes. Mańyzdysy – aı saıyn, úzbeı, belgilengen mólsherde depozıtke aqsha salyp turý. Eger jyl sońyna deıin shotta 200 aılyq eseptik kórsetkish (MRP) kólemindegi qarjy jınalsa, onda sonyń 20 paıyzdaı mólsheri syıaqy bolyp shotqa aýdarylady. Máselen, bıyl jyl sońyna sheıin 505 myń teńge jınasańyz, bank sizge 101 myń teńge syıaqy beredi. Qańtar aıynda sizdiń shotyńyzda avtomatty túrde 606 myń teńge jatady. Dál osylaı úıdiń birneshe múshesine shot ashyp, atalmysh shekke jetkizse, ár ashylǵan depozıtke 101 myń teńgeden tólenedi. 3 jyldan keıin birneshe depozıtti biriktirip, úı ala alasyz.

Osy jerdegi qaperge alatyn jaıt – depozıttiń 3 jyl boıy jınalýy. Qarajatty úsh jyl jınamaı-aq birden úıdiń 50 paıyzyn quıa salsa da shekteý joq. Onda bank beretin qalǵan 50 paıyzdyń ósimpuly 8,5 paıyz mólsherinde bolady. Al páterdiń 20 paıyz mólsherindegi alǵashqy jarnasyna jeterlikteı soma 3 jyl boıy úzbeı jınalsa, bank zaıymdy 3,5-5 paıyzben beredi. Bul rette sizdiń jınaq tarıhyńyz ben depozıttegi soma eskerilip, baǵalaý kórsetkishi taǵaıyndalady. Dál osy baǵalaý kórsetkishi sizge beriletin kredıttiń jyldyq paıyzdyq mólsherlemesin anyqtaıdy. Baǵalaý kórsetkishiniń maksımaldyq shamasy – 16. Bul shamaǵa jetý úshin shotty 3 jyl boıy aı saıyn toltyryp, ondaǵy qarajatty bastapqy jarnaǵa jetkizý mindetti.

Qazirgi tańda TQJB Almatydaǵy Saıaly yqshamaýdanynan usynatyn bir bólmeli páterlerdiń quny 8 mln teńgeden bastalady. Eger depozıtińizde kemi 1 mln 600 myń teńge bolsa, atalǵan páter sizdiki. Eseptep kórsek, 1 mln 600 myń teńgeni 3 jylda jınaý úshin depozıtti aıyna 36 myń teńgeden toltyryp otyrý jetkilikti. Banktiń 3 jylda beretin syıaqysymen sizde tup-týra qajetti soma jınalady.

Konkýrstar týraly jańalyqtar baspana.kz portalynda jarııalanady.

Biz tek jalpy biraq mańyzdy aqparmen bólistik. Endigisi – ózińizdiń quzyryńyzda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir