• USD 468.56

  • EUR 497.56

  • RUB 7.3

  • CNY 67.18

29 Naýryz, 00:05:21
Almaty
+35°

Memleket basshysy Qasym-Jomart Toqaevtyń «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýy mádenıet salasynyń qyzmetkerlerine de serpilis syılady. О́ıtkeni, jyldyń basty qujatynda atalmysh salanyń ókilderin qoldaýǵa qatysty naqty tapsyrmalar berildi.

Memleket basshysy: «Biz mádenıet salasynda jumys isteıtin azamattarǵa jetkilikti túrde kóńil bólmeı otyrmyz.

Bul – eń aldymen, kitaphana, mýzeı, teatr qyzmetkerlerine qatysty másele.

Olardyń eńbekaqysy sońǵy jyldary múlde kóbeıgen joq.

Sonyń saldarynan mádenıet qyzmetkerleri, ásirese jas mamandar jeńildigi bar turǵyn úı baǵdarlamalaryna qatysa almaıdy.

Mundaı ahýal osy kásiptiń bedelin túsirip, laıyqty kadrlardyń tapshylyǵy aıqyn sezilýde.

Kelesi jyldan bastap Úkimet mádenıet qyzmetkerleriniń eńbekaqysyn kóbeıtýi tıis» deı kele bul baǵyttaǵy birqatar mindetterdi aıqyndap berdi.

Rasynda da rýhanı jańǵyrýǵa bet burǵan kezeńde mádenıet salasynyń qyzmetkerlerine artylar jaýapkershilik te joǵary. О́z kezeginde sala mamandary óz jumystaryn júıeli jalǵastyrýda.

Búginde Taraz qalasynda eńbek etetin mádenıet qyzmetkerleri óz jumystaryn jandandyra túsýde. Mysaly, 2019 jyldyń 8 aıynda 206 mádenı kópshilik is-sharalar uıymdastyrylyp, olarǵa 133 myńnan astam adam qatysty. Sonymen qatar, ortalyqtandyrylǵan kópshilik kitaphanalar júıesi boıynsha 1061 mádenı is-shara ótkizildi, qatysqan oqyrmandar sany 62 644 adamǵa jetti.

Qazirgi tańda qalalyq mádenıet úıinde 25 úıirme jumys isteıdi. Onyń ishinde 19 ujymnyń «Halyqtyq», «Úlgili» ataqtary bar. Qatysýshylar sany 823 adamdy quraıdy. Olardyń qatarynda «Jas dáýren» úlgili bı ansambli, «Krasnaıa gvozdıka» halyqtyq ardagerler hor ujymy, «Qarahan» ult-aspaptap ansambli, «Boztorǵaı» án-bı ansambli, «Jibek joly» halyqtyq estradalyq orkestri, «О́rleý» qazaq ult-aspaptar orkestri, «Rıver-dans» baldyq bı ansambli, «Dýlatı» halyqtyq jastar teatry syndy ujymdardyń jetistikteri jeterlik. Sonymen qatar «Asyl-Analar» halyqtyq ájeler ansambli, «Kamerton» vokaldy toby, «Mereı» halyqtyq vokaldy toby, «Voıaj» baleti, «Planeta» halyqtyq teatry, «Marıchka» halyqtyq ýkraın vokaldy toby, «Jansaraı» halyqtyq teatry da talaıdy tánti etip júr. «Shattyq» úlgili hor ujymy, «Nurshashý» úlgili kameralyq orkestri, «Jas tolqyn» úlgili sıntızator ansambli, «Allegro» úlgili skrıpkashylar ansamblderi de talaı dodalarda darynymen daralanýda.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir