• USD 389.52
  • EUR 429.21
  • RUB 6.07
  • CNY 54.94
15 Qazan, 15:37:52
Saılaý qarsańynda "joǵalyp ketken" akter Shrı-Lankadan sálem joldady (vıdeo)

09 Qazan, 2019 NEWS

Ispanııada ótken halyqaralyq án baıqaýynan qazaqstandyq jas talanttar júldeli oraldy

2019 jyldyń qazannyń 1-7-si aralyǵynda Ispanııanyń Malaga  qalasynda «TU ONDA» atty jas ánshilerdiń halyqaralyq án baıqaýy ótti, dep habarlaıdy Qamshy.kz aqparat agenttigi.

Baıqaýda Almaty qalasynan «Boztorǵaı» qoǵamdyq qorynyń jetekshisi Qarlyǵash Ábdikárimovanyń, «Senim» vokaldy ansambliniń jetekshisi Tursyn Kýderınanyń qoldaýlarymen qatysqan jas ánshiler júldeli oryndarǵa ıe boldy.

Baıqaý

Atap aıtsaq, bul baıqaýda birinshi oryn Ulasbek Amırkanovqa (Almaty qalasy №24 lıseıden) tıesli boldy. Osy ýaqytqa deıin Ulasbek AQSh-tyń Nıý-Iork qalasynda ótken «PEARL OF NEW YORK 2017» halyqaralyq baıqaýda 1-shi oryndy ıelenip, qazaq eliniń bedeli men kók baıraǵyn asqaqtatqan bolatyn. 2018 jyly jazda Italııada ótken «CREATIUITA senza FRONTIERE 2018» halyqaralyq festıvalda I-oryn laýreat atansa.

Baıqaý

2018 jyly Astana qalasynda ótken «Shattyq» jas daryndar halyqaralyq festıvalinde Ulasbekke ónerdegi tabysy úshin qazylar alqasynyń tóraǵasy QR Halyq ártisi Bıbigúl Tólegenova óz qolymen laýreat ataǵy dıplomyn tabystaǵan bolatyn.

Al búgin Ulasbek Ispanııanyń Malaga qalasynda ótken «TU ONDA» atty jas ánshilerdiń halyqaralyq án baıqaýynda birinshi oryn dıplommen marapatqa ıe bolyp qaıtty. Bolashaqta Ulasbekten úlken úmit kútetinimiz anyq.

Baıqaý

Al ekinshi oryndy «Senim» vokaldy ansambliniń jas ánshisi Aıgerim Arǵynbek (Maǵjan Jumabaev atyndaǵy №137 jalpy bilim beretin mektepten) ıelendi.

Ispanııanyń Malaga qalasynda ótken halyqaralyq baıqaýda 1-shi jáne 2-shi oryndy ıelengen jas talanttardyń qýanyshtarynda shek joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir