Kaıdzen júıesiniń negizin qalaǵan kim?

Masaakı Imaı (japon tilinde 今井 正明 ımaı masaakı, 1930 jyly Tokıoda dúnıege kelgen) — «lean-gýrý», úzdiksiz jetildirý (kaıdzen) konsepsııasynyń negizin qalaýshy (aǵylsh. Continuous Improvement).

1955 jyly Tokıo joǵary oqý ornynda bakalavr dárejesin alǵannan keıin, halyqaralyq qatynastar salasynda qyzmetin jalǵastyrý úshin sonda qalady. 

1962 jyly Masaakı Imaı Cambridge Corporation — konsaltıngtik kompanııa negizin qalaıdy. Ol basqarýshylyq keńes berýge maman daıyndaıtyn jáne joǵary sanatty menedjerler tańdaýǵa úıretetin kompanııa. Rekrýtıng, qyzmetkerlerdi basqarý, uıymdyq zertteý salasyndaǵy keńesshi retinde Imaı myrza Japonııadaǵy  200-den astam sheteldik jáne birikken kásiporyndarǵa kóp kómegin tıgizgen.  1976-ynshy jyldan bastap, 1986-ynshy jylǵa deıin Masaakı Japonııanyń rekrýtıng jáne kadrlyq agenttik federasııasynyń prezıdenti bolǵan.

Masaakı Imaı «Kaıdzen: japon kompanııalaryn jetistikke jetkizgen kilt»(1986), «Gemba Kaıdzen: shyǵyndy azaıtyp, sapany arttyratýdyń joly» (1997) kitaptarynyń avtory. Eńbekteri fransýz, golland, portýgal, nemis, ıspan, ındonezııa, qytaı, orys jáne ózge de tilderge aýdarylǵan.

1985 jyly kompanııalarǵa kaıdzenniń konsepsııasyn, júıesin, kerek ádisterin engizý úshin Masaakı Imaı KAIZEN Institute Consulting Group kompanııasyn ashty. Ol — álem boıynda otyz shaqty elde keńsesi bar konsaltıngtik kompanııa. Sońǵy otyz jyldan astam ýaqyt ishinde Masaakı Imaı áriptesi provel Daısýke Narotanmen birge kaıdzen, únemdi óndiris jáne basqarý isi  týraly kóptegen dáris oqyǵan. Sonymen qatar, ártúrli uıymdarǵa kásip júıesin  damytý jóninde keńes bergen.

Oqyrmandar nazaryna Masaakı Imaıdiń eńbeginen sıtatalar usynamyz. 

***

1. Sapany jaqsartyńdar. 2. О́nimdilikti jaqsartyńdar. 3. Qordy azaıtyńdar. 4. О́ndiristik jelini qysqartyńdar. 5. Qurylǵynyń qoldaný ýaqytyn azaıtyńdar. 6. О́ndiristik alańdardy kishireıtińder. 7. Sıkl ýaqytyn azaıtyńdar.

***

О́ndiristik jelidegi qyzmetkerlerdi qysqartyńdar: adam qanshalyqty az bolsa, sonshalyqty jaqsy. Ol shyǵyndy ǵana emes, sonymen qatar, sapa turǵysynan kezdesetin qıyndyqty da azaıtady. Sebebi, qanshalyqty qol az bolsa, qatelik jiberý múmkindigi sonshalyqty az bolady.

***

Kaıdzen ádisinde eń birinshi keregi – «josparla-jasa-tekser-iske asyr» (PDCA) sıkli.

***

Shirigen jumyrtqadan jaqsy quımaq shyqpaıdy.

***

Basshylyqtyń mindeti – standart ornatý. Sosyn sol standarttyń saqtalýyn qadaǵalaıtyn tártipti baqylaý. Tek osy ereje oryndalǵanda ǵana standartty kóterý úshin kaıdzen ádisin qoldanýǵa bolady.

***

Adamǵa ózin tabýǵa kómektesý úshin oǵan jumys barysynda qarym-qatynas jasaıtyndardyń báriniń pikirin, olardyń ony qalaı qabyldaıtynyn jetkizip, aıtyp turý kerek.

***

Kaıdzen — bul tutynýshyǵa baǵyttalǵan jetilýdiń strategııasy. Onyń aıtpaǵy: ıaǵnı, kez kelgen kompanııa túbinde tutynýshyny qanaǵattandyrý jolynda jumys isteýi kerek.

***

Eger jumysyńdy jarty jyl boıy birqalypta isteı beretin bolsań, jetistikke jetpeısiń.