• USD 389.52
  • EUR 429.21
  • RUB 6.07
  • CNY 54.94
17 Qazan, 12:14:28
Prezıdenttik jastar kadr rezervine irikteýdiń kelesi kezeńine 904 qatysýshy ótti

05 Qazan, 2019 Aımaqtar

Tarazdaǵy óńdeý ónerkásibinde ósim bar

Keıingi jyldary Taraz qalasy adam tanymastaı ózgerip keledi. Shahardyń sáýletimen qatar dáýleti de arta túsýde. Mysaly, 2019 jyldyń qańtar-tamyz aılarynda qala kásiporyndary 183 mıllıard 998,4 mıllıon teńgeniń ónimderin óndirip, fızıkalyq ındeks kólemi 104,6 paıyzdy qurady. О́tken jylmen salystyrǵanda 29 mıllıard 929,9 mıllıon teńgege artyq ónim óndirilgen. Halyqtyń jan basyna shaqqandaǵy ónerkásip óndirisiniń kólemi 514,1 myń teńge bolyp qalyptasty.

О́nerkásip qurylymynyń barlyq salalary boıynsha da kórsetkishter kóńil kónshiterlikteı. Mysaly, óńdeý ónerkásibinde 149 mıllıard 830,8 mıllıon teńgege ónim óndirilip, naqty kólem ındeksi 107,9 paıyzdy quraǵan.

Al ken óndirý jáne karerlerdi qazý ónerkásibinde 422,8 mıllıon teńge ni qurady. Sonymen qatar elektrmen jabdyqtaý, gaz berý salasynda 31 mıllıard 832,4 mıllıon teńge nemese naqty kólem ındeksi 101,5 paıyz kóleminde qalyptasyp otyr.

Sol sııaqty sýmen jabdyqtaý, káriz júıesi, qaldyqtardyń jınalýyn jáne taratylýyn baqylaý salasynda 1 mıllıard 912,3 mıllıon teńgeni nemese naqty kólem ındeksi 115,6 paıyzdy qurady.

Hımııa salasy qaladaǵy jalpy ónerkásip óndirisiniń negizin quraýshy bolyp tabylady. Bul saladaǵy «Kazfosfat» JShS-niń Jańajambyl fosfor jáne mıneraldy tyńaıtqyshtar zaýyttaryn qosa alǵanda, jalpy 94 mıllıard 931,8 mıllıon teńgeniń ónimderin óndirgen. Bul kórsetkish 2018 jyly 70 774,6 mıllıon teńge bolǵan edi. Iаǵnı, ótken jyldyń esepti kezeńimen salystyrǵanda 24 mıllıard 157,2 mıllıon teńgege artyq ónim óndirip otyr. Jalpy ónerkásiptegi shyǵarylǵan ónimindegi olardyń úles salmaǵy 51,6 paıyzdy qurady.

Esepti kezeńde ónim kóleminiń naqtylaı kórsetkishi boıynsha 1 mıllıon 3,1 myń tonnaǵa ónim óndirilip, ótken jylmen salystyrǵanda 196 myń tonnaǵa artyp otyr. Onyń ishinde, negizgi ónimderin atap ótetin bolsaq: maıda taratylǵan fosfor 41,3 myń tonnaǵa, sary fosfor 7,9 myń tonnaǵa, ammofos 50,8 myń tonnaǵa artsa, natrıı trıpolıfosfaty 2,9 myń tonnaǵa, fosfor qyshqyly 3,3 myń tonnaǵa jáne azyq trıkalsıı fosfaty 6,5 myń tonnaǵa kemigen. Fosfos kalıı tyńaıtqyshy ótken jyldyń deńgeıinde saqtalǵan. Al, kúkirt qyshqylyn 2018 jyly óndirmese aǵymdaǵy jyldyń esepti kezeńinde 108,7 myń tonna óndirgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir