Qalada da qosalqy sharýashylyqty damytýǵa bolady

Memleket basshysy Q.Toqaevtyń Qazaqstan halqyna Joldaýynda aıqyndalǵan shaǵyn jáne orta kásipkerlikti damytý týraly mindetterdi sapaly oryndaý maqsatynda Áýlıeata óńirinde tyń bastamalar qolǵa alynyp, jarqyn jobalar júzege asýda. Aldaǵy maqsattardyń da aýqymy úlken. Osy oraıda Jambyl oblysynyń ákimi Asqar Myrzahmetov usynyp otyrǵan qosalqy sharýashylyqtardy damytý pılottyq jobasynyń bereri mol bolmaq. Oǵan negiz de joq emes. О́ıtkeni, aımaq basshysy árbir aýdanǵa arnaıy at basyn buryp, jekelegen aýlalardy ózi aralady. Jergilikti jurtshylyqpen júzdesip, olardyń muń-muqtajyn tyńdady. Jańa jobanyń uıymdastyrylý máselesi boıynsha tıisti mamandarmen jan-jaqty aqyldasty. Sonyń nátıjesinde ómirge kelgen joba kúni keshe Úkimet tarapynan da qoldaý tapty.

Qazirgi tańda Taraz qalasynda da jeke kásipkerer birqatar jańa jobalardy usynyp, tabysty eselýge bet burýda. Mysaly, "Tanash" jeke kásipkerligi 2 ga jerge kókónis qoımasyn, qurylys qolǵaptaryn, ózi kesetin (samorez) jáne shege shyǵaratyn seh salýdy kózdep otyr. Jobanyń josparlanǵan quny 105 mıllıon teńge. Joba júzege asqanda 35 jańa jumys oryndary ashylady dep kútilýde.

Al "KAZPLAST" JShS 2 gektarda tigin fabrıkasynyń qurylysyn josparlap otyr. Jobanyń quny 1 500 mln. teńge. Munda jumys oryndarynyń sany 250 adamdy quraıtyn bolady.

Sol sııaqty "Alel Agro" aksıonerlik qoǵamy 5 gektarda mal azyǵy zaýytynyń qurylysyn salýdy oılastyrýda. Jobanyń quny 2 600 mln. teńge. Al ol iske asqanda 60 adam turaqty jumyspen qamtylatyn bolady.

Sonymen qatar "Everlight Alto" JShS 2 gektarda syrtqy jaryqtandyrý qurylǵylarynyń óndirisin salýdy josparlaýda. Jobanyń quny 400 mıllıon teńge.

Búginde qala aýmaǵynda jylyjaı sharýashylyǵymen jalpy aýmaǵy 0,87 gektardy quraıtyn «Ramazan» sharýa qojalyǵy aınalysady. Qazirgi tańda sharýa qojalyǵy qyzanaq pen qııar kóshetin otyrǵyzyp, kúzdik ónim alý jumystaryn júrgizýde. Keleshekte sharýashylyq basshylyǵy jylyjaı aýmaǵyn 1 gektarǵa deıin ulǵaıtýdy josparlap otyr.

Taǵy bir aıta keterligi, qazirgi kezde qalada aýyl sharýashylyǵy ónimin qaıta óńdeý baǵytynda 98 seh pen kásiporyndar jumys isteýde. Olardyń basym bóligi shujyq, kondıterlik jáne naýbaıhana sehtaryna tıesili. Bul salada jumyspen qamtylǵandar sany 2158 adamdy quraıdy.