• USD 389.52
  • EUR 429.21
  • RUB 6.07
  • CNY 54.94
18 Qazan, 12:57:47
Sarapshylar joldaýdyń júzege asyrylýyn talqylady

05 Qazan, 2019 Aımaqtar

Jambylda deratızasııalaý jumystary der kezinde júrgizilýde

Elimiz egemendik alǵaly beri aýyl sharýashylyǵyn damytý máselesi kún tártibinen túsken emes. Elbasy-Qazaqstan Respýblıkasynyń Tuńǵysh Prezıdenti N.Nazarbaev Qazaqstan halqyna jyl saıynǵy Joldaýlarynda agroónerkásip keshenin damytý máselesin nazardan tys qaldyrǵan joq. Memleket basshysy Qasym-Jomart Toqaev ta salaǵa serpilis syılaý maqsatynda strategııalyq maqsattar qoıyp otyr.

Aýyl sharýashylyǵyn damytý máselesi aıtylǵan jerde veterınarııalyq qaýipsizdiktiń de qatar júretindigi daýsyz. О́ıtkeni, tóskeıdi tórt túlikpen toltyrý turǵysynda mal dárigerlerine artylatyn mindet te zor. Sondyqtan da memleket keıingi jyldary veterınarııalyq nysandardyń sanyn arttyrýmen qatar sala mamandaryn yntalandyrýǵa baǵyttalǵan keshendi sharalardy júzege asyrýda.

Búginde Taraz qalasynda veterınarııa salasy boıynsha tyndyrymdy tirtikter tiktelýde. 2019 jyldyń basynan 4250 bas múıizdi iri qara, 6800 bas ýaq mal, 950 bas shoshqa, 600 bas jylqy, 22500 bas ıt, 2200 bas mysyq jáne 31000 bas úı qustary tirkeýge alynyp, olarǵa epızootııaǵa qarsy jumystar júrgizý úshin bıýdjetten 32,0 mıllıon teńge bólindi. Esepti kezeńde onyń 21,0 mıllıon teńgesi ıgerilip, bul qarajatqa janýarlardy qaýipti aýrýlarǵa qarsy vaksınalaý jáne dıagnostıkalyq jumystarǵa kerekti vaksınalar alynyp, jumystar júrgizilýde.

Qazirgi ýaqytta shaharda sibir jarasy aýrýyna qarsy 3300 bas sıyr, 5000 bas qoı-eshki, 400 bas jylqy, 800 bas shoshqa, aýsyl aýrýyna qarsy 4700 bas múıizdi iri qara, 9000 bas ýaq mal, 1000 bas shoshqa egildi. Sonymen qatar leptospıroz, qarasan, týberkýlez, mańqa, oba, kúl, súıel, ehınokokkoz aýrýlaryna qarsy da tıisti sharalar qoldanyldy.

Bıyl sondaı-aq egeýquıryqtardy joıý jumystaryna 11,7 mıllıon teńge qarajat bólindi. Egeýquıryqtardy joıýǵa ótkiziletin memlekettik satyp alý konkýrsy jarııalanyp, «Garant» dezınfeksııalyq ortalyǵy JShS-gi elektrondy satyp alý konkýrsy boıynsha jeńimpaz bolyp anyqtalǵan. Bólimmen kelisim-shartqa otyryp, qazirgi tańda Taraz qalasy aýmaǵyndaǵy kópqabatty úılerdiń jertóleleri men qoqys tastaıtyn konteınerlerge deratızasııalaý jumystaryn júrgizýde.

2019 jylǵa qańǵybas ıtter men mysyqtardy ustap joıýǵa jergilikti bıýdjetten 20,4 mıllıon teńge qarajat bólinse, esepti kezeńde 16,3 mıllıon teńgesi ıgerilgen. Nátıjesinde 7571 bas qańǵybas ıtter men mysyqtar ustalyp joıylǵan.

Al «Kongo-Qyrym gemorragııalyq qyzbasynyń» aýrýynyń aldyn-alý maqsatynda qajetti preparattardy alý úshin qalalyq bıýdjetten 7,3 mıllıon teńge qarajat qarastyrylǵanyn aıta ketý kerek. Aǵymdaǵy jyldyń «Kongo-Qyrym gemorragııalyq qyzbasynyń» aýrýynyń aldyn-alý maqsatynda qajetti preparattar alynyp, bólingen qarjy tolyǵymen ıgerildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir