Tarazda aýylsharýashylyǵy salasy damýda

Shaǵyn jáne orta kásipkerlikti damytý, agroónerkásip keshenin órkendetý-Memleket basshysy Qasym-Jomart Toqaevtyń Qazaqstan halqyna Joldaýynda aıqyndalǵan mańyzdy mindetterdiń biri.

Jalpy Taraz qalasynyń ónerkásip salasyna tıesili jer telimi 4297 gektardy nemese qala aýmaǵynyń 22,9 paıyzyn quraıdy. Bul jerlerdegi paıdalanýshylar sany búginde 3400 birlikke jetken. Osy oraıda Taraz qalasynyń Tóle bı, Nıetqalıev, Isataı, Súleımenov jáne Ál-Farabı kósheleri boıynsha óndiristik aýmaqtyń kartasy ázirlenip, 1487 gektardy quraıtyn 379 jer ıelenýshi kásipkerlerdiń kartasy jasaqtaldy. Ol jerlerde, ınventarızasııalaý jumystarynyń nátıjesi boıynsha 209,2 gektardy quraıtyn 21 nysannyń óndiristik qyzmeti toqtap, tıisti jer telimderiniń bos turǵany anyqtaldy. Sonymen qatar, Sypataı, Mámbet batyr kóshelerindegi 217 gektardy quraıtyn 209 jer paıdalanýshylar sany bar bolsa, onda 28,1 gektardy quraıtyn 8 bos óndiris nysandary anyqtaldy. Qazirgi tańda osy aýmaqtardy tıimdi paıdalaný boıynsha maqsatty jumystar júrgizilýde.

Taraz qalasynda agroónerkásip keshinin damytý baǵytynda da naqty josparlar túzilýde, Esepti kezeńde aýylsharýashylyq salasynda 2 mıllıard 913,1 mıllıon teńgeniń ónimi óndirilip, naqty kólem ındeksi 100,2 paıyzdy qurady. Onyń ishinde: mal sharýashylyǵy boıynsha 924,3 mıllıon teńgege, ósimdik sharýashylyǵy boıynsha 1 mıllıard 766,7 mıllıon teńgege ónim óndirilgen. Osy sala boıynsha iri qara mal – 263 basqa nemese 5,8 paıyzǵa, jylqy 2 basqa nemese 0,2 paıyzǵa, eshki – 47 basqa nemese 6,2 paıyzǵa , úı qustary 27 840 basty qurap, ótken jylmen salystyrǵanda 710 basqa ósip otyr. Al, qoı - 345 basqa nemese 4,6 paıyzǵa ósip otyr. Bul kórsetkish 2018 jyly – 7546 basty qurasa, 2019 jyly – 7201 bas deńgeıine jetip otyr. Sondaı-aq sút óndirý 1,4 tonnaǵa nemese 0,1 paıyzǵa artqan. Iаǵnı 2018 jyly – 3562,6 tonna sút óndirilse, 2019 jyly bul kórsetkish 3564 tonnany qurady. Sol sııaqty et óndirý 0,9 tonnaǵa nemese 0,3 paıyzǵa kóbeıgen. Naqtyraq aıtqanda 2018 jyly – 268,2 tonna et óndirilse, 2019 jyly bul meje 269,1 tonna shamasynda. Sonymen qatar jumyrtqa 1,0 myń danaǵa nemese 0,1%-ǵa ósip otyr.

Osylaısha Taraz qalasynda aýyl sharýashylyǵy salasynda aýyz toltyryp aıtarlyqtaqtaı kórsetkishter qalyptasýda.