• USD 389.52
  • EUR 429.21
  • RUB 6.07
  • CNY 54.94
14 Qazan, 05:25:14
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

05 Qazan, 2019 Aımaqtar

Tarazda jańa ındýstrıaldy aımaq qurylmaq

Memleket basshysy Q.Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda shaǵyn jáne orta kásipkerlikti damytý,a ınvestısııalyq klımatty jaqsartýǵa kóńil bólgeni belgili. Osy oraıda Taraz qalasynda da aýyz toltyryp aıtýǵa turarlyqtaı jumystar qolǵa alynýda. Mysaly, shaharda Qazaqstannyń ındýstrııaldy kartasynan tys, bir ınvestısııalyq joba iske asyrylýda. Atap aıtqanda: «GOODLOOK» JShS-niń kúnbaǵys pistesinen maı óndirý zaýytynyń qurylysyn júrgizýdi qolǵa almaq. Jobanyń quny – 1 mlrd. 264 mln. teńge. Qýattylyǵy jylyna 160,0 myń tonna. Sonyń nátıjesinde 36 jańa jumys oryndary ashylmaq.

Taǵy bir aıta keterligi, qazirgi tańda qosymsha ınvestısııalar tartý maqsatynda, Taraz qalasyndaǵy aınalma tas jolynyń boıynda ornalasqan 94,2 gektar jer telimine ındýstrıaldy aımaq qurý josparlanyp otyr. Atalǵan aımaqqa ınjenerlik ınfraqurylym tartý úshin jobalyq-smetalyq qujattamalardy ázirleý úshin Taraz qalasy ákiminiń 2019 jylǵy 29 tamyzynda №3034 Qaýlysymen Taraz qalasy ákimdiginiń turǵyn jaı-kommýnaldyq sharýashylyq, avtomobıl joldary bólimine tapsyrma berildi.

Búgingi kúnge ındýstrıaldyq aımaqqa qyzyǵýshylyq bildirgen 9 kásipker anyqtalyp otyr. Al jobalardyń quny 6,253 mlrd. Teńge. Sondaı-aq 548 jańa jumys orny ashylady dep kózdelýde.

Mysaly, "Dostyq" JShS 1,5 ga jerge quıý sehynyń qurylysy boıynsha jáne metalldan jasalǵan jabdyqtar men buıymdardy daıyndaý jobasyn júzege asyrýdy josparlap otyr. Jobanyń shartty quny 283 mln. teńge.

Al "Novacom technology" JShS 2 gektarǵa ınfraqyzyl sensorlyq áınekter, aqparattyq dúńgirshekter, baqylaý jáne qol jetkizý júıeleri (týrnıket), tólem termınaldary men elektrondyq kezekter júıelerin óndirý boıynsha jobany júzege asyrýdy kózdeýde.

Sol sııaqty «Shınbatshaev» JK 1 gektar jer teliminde bylǵary jáne bylǵarydan buıymdar shyǵaratyn zaýyt qurylysyn josparlap otyr.

Budan bólek «Elibaı» JK 1,5 ga jerge kókónis saqtaý qoımasy bar jemis-kókónis daqyldaryn qaıta óńdeý sehyn, qant qyzylshasynyń tuqymyn qaıta óńdeý sehyn jáne qurama jem men shóp, un óndirý sehyn iske qosýdy oılastyrýda. Jobanyń shartty quny 115 mln. teńge.

Sonymen qatar "Taraz Class" JShS 2 gektarda qurǵaq qurylys qospalaryn, gıps pen sý emýlsııalyq boıaýlardy óndiretin sehty keńeıtýdi josparlap otyr. Al "Mır-Rash" JShS 4 gektarda qurylys materıaldaryn, beton buıymdaryn jáne granıtti óńdeýdi jolǵa qoımaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir