• USD 389.52
  • EUR 429.21
  • RUB 6.07
  • CNY 54.94
17 Qazan, 12:04:36
Prezıdenttik jastar kadr rezervine irikteýdiń kelesi kezeńine 904 qatysýshy ótti

08 Qazan, 2019 Saıasat

Qytaı AQSh-ty "basqa eldiń ishki isine aralasty" dep aıyptady

8 qazanda Qytaı syrtqy ister mınıstrliginiń resmı ókili Gen Shýan Pekınde brıfıng ótkizip, AQSh-tyń Qytaıdyń 28 kompanııasyna salǵan sanksııasyn "basqa eldiń ishki isine aralasý" dep aıyptaǵan. Bul týraly Reuters agenttiginiń deregin negizge alyp Azattyq Radıosy habarlady.

Azattyq Radıosynyń jazýynsha, Gen Shýan "Qytaı óz múddesi men derbestigin, qaýipsizdigi men damýyn qorǵaý úshin naqty áreketter jasap, sheshimder qabyldaıtynyn" aıtqan. 

– AQSh-tan jedel túrde óz qatesin túzep, shyǵarǵan sheshimderin qaıta ózgertýdi suraımyz. AQSh Qytaıdyń ishki isine aralasýdy toqtatýy kerek. Qytaı óz múddesi men derbestigin, qaýipsizdigi men damýyn qorǵaý úshin naqty áreketter jasap, sheshimder qabyldaıdy,  –  dedi Shýan.

Azattyq Radıosynyń jazýynsha, buǵan deıin, 7 qazanda AQSh "Shyńjańdaǵy uıǵyrlar, qazaqtar jáne basqa da musylmandarǵa qysym jasaýǵa atsalysqan" Qytaıdyń 28 kompanııasyna sanksııa salǵan. Qara tizimge engen kompanııalar arasynda Qytaıdyń 20 qoǵamdyq qaýipsizdik bıýrosy, vıdeo baqylaý júrgizetin Hikvision fırmasy, adam júzin anyqtaý qurylǵylaryn daıyndaıtyn Sense Time jáne Megvii Technology kompanııalary bar. AQSh sanksııa salǵan Qytaı kompanııalary endi Amerıkadan Vashıngtonnyń ruqsatynsyz taýar satyp ala almaıdy.

8 qazanda Nur-Sultan qalasynda jıyn ótkizgen  Qazaqstan prezıdenti Qasym-Jomart Toqaev Qytaıdyń Hikvision kompanııasynyń tehnologııalaryn maqtap, sheneýnikterge sıfrly tehnologııalardy damytýda Qytaıdyń tájirıbesin qoldanýdy tapsyrǵan.


 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir