• USD 389.52
  • EUR 429.21
  • RUB 6.07
  • CNY 54.94
19 Qazan, 16:08:20
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 Saıasat

"Aqtóbegi terrorıster – shybyndar"

Taıaýda Májilis tóraǵasynyń orynbasary Vladımır Bojko úı kezeginde turǵan jetim balalardyń kóshege shyqpaıtynyn aıtyp, olarǵa páterdiń az berilip jatqanyn sóz etken. Bul sózin qazaqstandyqtar qyzý talqylady.

V.Bojko málimdemelerimen el talqysyna túsken.  Vladımır Bojkonyń búginge deıin aıtqan málimderin eske túsirsek.

"Jetim balalar alańǵa shyqpaıdy"

Keshe Bojko jetim balalardy baspanamen qamtamasyz etý týraly pikirin aıta otyryp, olardyń alańǵa, kóshege shyqpaıtynyn úlgi etti. "2019 jyly páterlerdiń basym bóligi kópbalaly analarǵa berildi. Kezekte turǵandardyń osy sanaty 922 páter alǵan. Menińshe, jalǵa beriletin úılerdiń úlesin kóterýdi talap etip turǵan sanat - jetim balalar. Olar alańǵa shyqpaı, sabyrmen kútip otyr. Olardyń kezeginde 61 397 bala bar, bıyl olardyń 518-i páter alǵan. Kezektegilerdiń sapasyn eskerer bolsaq, bul óte az", - dedi Vladımır Bojko.

"Qalaǵa kóshetin aýyl jastarynyń sanyn azaıtý kerek"

 Ol kezde halyq onyń pikirin "aýyl jastaryn qalaǵa kirgizbeý kerek" dep túsindi. Májilis vıse-spıkeri aýyl jastary kóship ketse, jumys isteıtin eshkim qalmaıdy dep sanaıdy. "Qalaǵa qadaǵalaýsyz kóship jatqan aýyl jastarynyń sanyn azaıtý qajet. Olardy qalaǵa jeteleıtin sebepterdi azaıtý kerek. Osylaı jalǵassa, aýyl ıntelegensııasy joǵalyp ketedi. Keıin jer betinde jumys isteıtin eshkim qalmaıdy da, azyq-tulikti shetelden alýymyzǵa týra keledi", - dedi Bojko. Bul málimdeme qyzý talqyǵa túsken soń sheneýnik keıin sol sózin túsindirdi. Ol jastardyń qalaǵa kóship kelýine tyıym salý kerek dep aıtpaǵanyn málimdedi. "Jalaqymyz sońǵy bolyp ósti" Dál sol jyly elimizdegi depýttardyń jalaqysy 30-50 paıyzǵa ósken bolatyn. Sol kezde Bojko jýrnalıstermen áńgimesi barysynda jalaqylarynyń sońǵy bolyp óskenin alǵa tartqan edi. "Saıası qyzmetkerlerden jalaqysy sońǵy bolyp ósken biz. Bul sheshim tórt jyl buryn qabyldanǵan bolatyn. Basynda mınıstrlik pen vedomstvolarda ósti, tórt jyl ótti. Mine, tórt jyldan keıin ǵana bizdiń jalaqymyz ósti", - degen edi Bojko Parlament kýlýarynda. Ol saıası qyzmetkerlerdiń bárinde birdeı jalaqy bolý keregin aıtqan. "Sondyqtan, bul sheshim aqylǵa qonymdy. Eger sheshim qabyldansa, ol oryndalýy kerek", - dep oıyn qorytyndylady vıse-spıker.

"Halyq memleketke tizerlep turyp alǵys aıtýy kerek"

Bıyl qyrkúıekte Bojkonyń taǵy bir málimdesi qyzý talqyǵa tústi. Ol "halyqtyń memleketke tizerlep alǵys aıtýy kerek ekenin" málimdegen edi.  "Bıliktiń ne istep jatqanyn túsinip, kórý kerek. Sandarǵa qarańyzdarshy - sońǵy úsh jylda áleýmettik kómek 17 ese ósti. Osy úshin ǵana tizerlep otyryp, memleketke alǵys aıtý kerek. Adam eshteńe istemeıdi de, "bárin berýdi" talap etedi. Qoǵamdyq pikir bolýy kerek, ol sondaı adamdy qoraǵa tyǵyp qoıady", - degen edi ol Qazaqstan halqy assambleıasynyń otyrysynda. Vıse-spıkerdiń bul sózi halyq arasynda daý shyǵardy. Olar Bojkodan "tizerlep alǵys aıtý" men "qoraǵa tyǵyp qoıý" degen sózderi úshin keshirim suraýdy talap etken. Biraq keıin Bojko eshkimdi renjitkisi kelmegenin aıtqanymen, keshirim suraǵan joq.

"Aqtóbegi terrorıster – shybyndar"

Aqtóbede bolǵan lańkestik shabýyldan keıin de Vladımır Bojko erekshe málimdeme jasaǵan edi. Ol Májilis otyrysynda terrorısterdi shybynǵa teńegen. "Qytaıda qyzyq sózdi estidim, seriktestik – ashyq tereze, oǵan taza aýa da, shybyn da kirip ketýi múmkin.  Aqtóbede bolǵan oqıǵaǵa qatysqandar  – aýasy taza respýblıkamyzǵa kirip ketken shybyndar. Ol terezeni endi jaba almaımyz", - degen edi ol. Onyń aıtýynsha, respýblıkanyń ashyq turǵan terezesinen sondaı shybyndarmen qatar, mıllıardtaǵan ınvestısııalar da kelip jatyr.

"Ýkraınalyq saıasatker Farıon –  jezókshe"

Bojko Qaraǵandyda etnomádenı ortalyqtardyń ókilderimen kezdesken. Munda olar Qazaqstanda úshtildilik saıasatyn damytý týraly sóılesken. Kezdesý barysynda sheneýnik ýkraınalyq saıasatker Irına Farıonǵa til tıgizip úlgerdi. Reseı men Ýkraına arasyndaǵy jaǵdaıdy mysal etken ol Farıonnyń málimdemesin synǵa alǵan. "Tarıh álgi jezóksheni, Farıondy ornyna qoıyp beredi dep úmittenemin. Árıne, keshirim ótinemin, ol "Ýkraınada oryssha sóıleıtinder adam emes, olardyń quqyǵy joq, oryssha ánderdi tyńdaıtyn teksısterge aıyppul salý kerek" degen bolatyn. Joǵary zańnamalyq organ pozısııasynan osyndaı nárseni aıtý úshin qandaı aqymaq bolý kerek?", - degen edi Bojko. Keıin Májilis otyrysynyń kýlýarynda Bojko óziniń artyq ketip qalǵanyn moıyndady. "Qatty sózder aıtqanym ras. Sol pikirdi basqasha sózdermen aıtýym kerek edi. Qyzbalyqqa salynyp kettim", - dedi vıse-spıker.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir