• USD 389.52
  • EUR 429.21
  • RUB 6.07
  • CNY 54.94
16 Qazan, 01:58:39
Saılaý qarsańynda "joǵalyp ketken" akter Shrı-Lankadan sálem joldady (vıdeo)

08 Qazan, 2019 Án-kúı

"Alashulynda" ókpe joq, baýyr bar"

Rýhty ánderimen tanylǵan "Alashuly" tobynyń quramy úshinshi ret aýysyp, jańa solıstpen tolyqty.

Úndistan, Dýbaı, Túrkııa, Qytaı memleketterinde ulttyń namysyn tý etip júrgen "Alashuly" tobynda eleýli ózgerister oryn aldy.  Ol týraly BAQ ókilderine arnalǵan sharada toptyń prodıýseri Nazgúl Qarabalına málimdedi.

Prodıýser: "Bizdiń topta úlken ózgeris –  "Alashuly" tobynyń taǵy bir múshesi Ázimbet Baılınniń toptan ketip, ornyna Berik Atahanovtyń kelýi. Berik – Júrgenov atyndaǵy óner akademııasynyń túlegi. Qazirgi tańda "ASTANA MIýZIKL" memlekettik teatrynda qyzmet etedi. Osy sátten bastap "Alashuly" tobynyń múshesi.

Bizdiń top úlken masshtabty konsertterde, memlekettik sharalarda óner kórsetedi. Jigitterge o bastan jeke shyǵarmashylyǵymen aınalysýyna ruqsat berildi. Qazir de  solaı. Alaıda toptyń ózindik ustanymy men  baǵyt-baǵdary,  formaty bar.  Sol formattan tys Ázimbek te ánder jazyp jatty. Odan ózge toıdaǵy jeke tapsyrystarynyń kóptiginen  toptyń konsertterine qatysýyna kedergiler boldy. О́zara aqyldasa  kelisip, biz onyń jeke ánshi retinde bólek shyǵýyna ruqsat berdik. Toptan ketken ár solıstke úlken raqmetimizdi aıtqymyz keledi. Joldaryńyz bolsyn, jigitter!  Mine, tórt kózimiz túgel tur. Eshkimniń artynan áńgime aıtpaımyz.

ogn

Al Ázimbektiń toptan ketýiniń naqty núktesin qoısaq, bizdiń ózaramyzda  kıgiljiń joq, tatýmyz. Bar bolǵany tvorchestvolyq baǵyt-baǵdardyń ári qaraı birge ustana almaýymyz" – dep sózin sabaqtaı kele, toptyń jańa solısti Beriktiń qatysýymen túsirilgen "Bıiktik" atty beınebaıandy kópshilik nazaryna usyndy.

О́ner áleminde árdaıym bıikke umtylǵan jigitter ánniń ataýyn da "Bıiktik" deýdi jón kóredi. Túisirilim aýa raıynyń qolaısyzdyǵyna qaramastan  2 kún boıy on jaqty adamnyń birlesýimen Almaty qalasyndaǵy bıik taý shyńynda túsirilgen.  Motıvasııalyq baǵyttaǵy jańa týyndynyń sazyn Altynbek Imanbetov, sózin Rınat Zaıytov jazǵan. Top múshelerine sózine mán bersek, "jańa týyndy bıiktikke jol salady".

"Alashuly" tobynyń qurylǵan sátinen kele jatqan múshesi Maqsat Raqmetten toptaǵy ózgeris týraly pikirin bilgen edik.

–  Rasynda  ózgerister bárimiz úshin qıynǵa soqty. 2 jyl buryn aramyzdan Ushqyn ketken sátte de abdyrap qaldyq. Jigitterdiń top úshin jasaǵan eńbegi orasan. Olardyń eńbegi bolmasa,  "Alashuly" qazirgi jetip otyrǵan jetistigine jeter me edi?!  Sońǵy oqıǵaǵa kelsek, Ázimbektiń toptan ketýine negizgi sebep – shyǵarmashylyq kózqarastyń toǵyspaýy.

Bizdiń topttyń ár múshesi adamdyqty bıik qoıady. Renishten buryn baýyrmashyldyǵymyz mańyzdy. Bizdiń ata-analarymyz, balalarymyz bir-birimen etene aralasady. "Alashulynda" ókpe joq, baýyr bar. Shyǵarmashylyqtyń toǵyspaýy kez kelgen topta, ujymda bolady. Onda turǵan esh ábestik joq. On jyldyq tarıhy bar tobymyzda osyndaı jaǵdaıdyń oryn alýy kórermen úshin ókinishti. Degenmende biz bir silkinip, qaıta turýymyz kerek. 

Jigitter toptan ketkenimen,  bir-birimiz úshin árdaıym janashyr janbyz. Oǵan mysal, "Ázim toptan ketti" degen habardy estip, Ushqyn habarlasyp: "Alashulynyń" abyroıy –  bárimizdiń abyroıymyz" – dep rýh berdi.

Shara barysynda beseýdiń atyn atap aıtsaq, toptyń eks-solısteri Ushqyn Jamalbek pen Ázimbek Baılın, qazirgi músheleri Maqsat Rahmet,  Erzat Ramazanov, Berik Atahanovtyń bir sahnada izgi nıetterin bildirgendigi júrekke jylý uıalatty. Qazaq estradasynda topta ózgerister oryn alsa, sońy aıqaı shýǵa ulasyp ketetin edi. Al "Alashulynyń"  áreketi ózgege úlgi boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir