• USD 389.52
  • EUR 429.21
  • RUB 6.07
  • CNY 54.94
14 Qazan, 05:21:51
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

08 Qazan, 2019 Saıasat

Toqaev: "Sergek" beınekameralary júrgizýshilerden aıyppul óndirip alý úshin ǵana qoldanylyp otyr

Qazaqstan prezıdenti Qasym-Jomart Toqaev Nur-Sultan qalasynyń ákimdiginde ótken elordany odan ary damytý máseleleri jónindegi májiliste qalada esirtki qylmystary kóbeıgenine toqtalyp, "Sergek" jobasy qoǵamdyq qaýipsizdikti arttyrý úshin tolyq kólemde paıdalanylmaı otyrǵanyn aıtty. 

Toqaevtyń aıtýynsha, Nur-Sultanda ashylǵan esirtki qylmystary jeti paıyzǵa artqan.

– Elordada beti ashylmaǵan esirtki qylmystary jeti paıyzǵa artqan.  Men joldaýymda esirtki taratýmen jáne satýmen aınalysatyn tulǵalarǵa qatysty qylmystyq jaýapkershilikti kúsheıtý qajettigi týraly aıtqan edim. Taıaý ýaqytta úkimet depýtattyq korpýspen birge zańnamamyzǵa tıisti ózgertýler engizedi dep kútemin, – dedi Qazaqstan prezıdenti.

Jıyn barysynda Toqaev Nur-Sultanda jol-kólik apattarynyń sany kóbeıgenin, qoǵamda qyzý talqylanǵan "Sergek" beınekameralarynyń qoǵamdyq qaýipsizdik deńgeıin arttyrý úshin emes, kólik júrgizýshilerden aıyppul óndirip alý úshin ǵana qoldanylyp otyrǵanyn aıtty. 

– Jol-kólik apattarynyń sany 15,5 paıyzǵa, olardan zardap shekkender 42 paıyzǵa kóbeıdi. Avtokólikterdi urlaý 20 paıyzǵa artty. Dabyl qaǵarlyq derekter. Quqyq qorǵaý organdary jaǵdaıdy jaqsartý boıynsha qajetti sharalardy qabyldaýǵa mindetti. "Sergek" jobasy qoǵamdyq qaýipsizdik deńgeıin arttyrý úshin tolyq kólemde paıdalanylmaı keledi. Kólik júrgizýshilerden aıyppul óndirip alýǵa ǵana basymdyq jasalyp otyr, – dedi Toqaev.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir