• USD 389.52
  • EUR 429.21
  • RUB 6.07
  • CNY 54.94
19 Qazan, 16:16:46
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 Saıasat

Toqaev: Alaıaqtar túrmede otyrýy kerek

Qazaqstan prezıdenti Qasym-Jomart Toqaev qurylys salasynda "alaıaqtardyń" kóbeıgenin aıtyp, eldiń bas prokýratýrasy men ishki ister mınıstrligine osy máselemen naqty aınalysýdy tapsyrdy. Bul týraly Toqaev Nur-Sultan qalasynyń ákimdiginde ótip jatqan elordany odan ary damytý máseleleri jónindegi májiliste aıtty. 

Toqaevtyń aıtýynsha, qazir Nur-Sultanda qurylysy aıaqtalmaǵan "49 problemalyq nysan bar jáne 13500 úlesker sol nysandardyń qurylysynyń aıaqtalǵanyn kútip júr".

– Úleskerlik máselesi de jedel sheshýdi qajet etip otyr. Qalada 49 problemalyq nysan qalyp otyr. Olardyń qurylysynyń aıaqtalýyn 13 500 úlesker kútýde. Bul problemany sheshýge 2018-2019 jyldary 40 mlrd teńge bólindi. Biraq, nebári 4,5 mlrd teńgesi ǵana ıgerilgen. Buǵan qosa, ákimdik qosymsha 170 mlrd teńge suraıdy, – dedi prezıdent.

Osy máselege qatysty túsinikteme bergen qala ákimi Altaı Kólginovtyń aıtýynsha, árbir problemaly nysanǵa qatysty jol kartasy ázirlengen.

– Olarda jobalyq-smetalyq qujattarynyń bolmaýy sııaqty problema boldy. Kóptegen alaıaqtar turǵyndardy aldaǵan. Qazir olar túrmede otyr jáne zańǵa sáıkes jaýapkershilikteri bar. Olar qujattaryn joǵaltyp alǵan nemese bermegen. Sondyqtan búkil jaz boıy qujattaryn ázirleýmen aınalystyq, qarjy ınstıtýttarymen, ekinshi deńgeıli banktermen, ortalyq memlekettik organdarmen jumys istedik. Árqaısysy boıynsha naqty josparymyz bar. Biz sizdiń tapsyrmańyzdy oryndaımyz, – dedi Kólginov.

О́z kezeginde Toqaev qala ákimniń "Kóptegen alaıaqtar turǵyndardy aldaǵan" degen sózine toqtalyp, quzyrly organdarǵa "alaıaqtarmen" kúresýdi tapsyrdy. 

– Qazir alaıaqtar kóbeıip ketti. Ásirese, qurylysshylar arasynda kóbeıdi. Bas prokýratýra men ishki ister mınıstrligine osy máselemen naqty aınalysýdy tapsyramyn. Alaıaqtar túrmede otyrýy kerek. Sebebi olar óz áreketterimen azamattarymyzdyń quqyn aıaqqa taptap jatyr. Bizdiń azamattardy aldaıdy, dalada qaldyrady. Mundaı jaǵdaıda memleket únsiz qalmaýy kerek. Tıisti shara qabyldap, baıandańdar, – dedi Toqaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir