• USD 389.52
  • EUR 429.21
  • RUB 6.07
  • CNY 54.94
19 Qazan, 16:17:06
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 NEWS

Almatyda «Tekti sózdiń tóresi – terme» atty qalalyq baıqaýy ótedi

Almaty qalasy ákimdiginiń qoldaýymen 15-inshi qazan kúni saǵat 14:00-de Abaı atyndaǵy Qazaq Ulttyq pedogogıkalyq ýnıversıtetinde «Rýhanı jańǵyrý» baǵdarlamasy jáne «Jastar jyly» aıasynda «Tekti sózdiń tóresi – terme» qalalyq baıqaýy ótedi.

Baıqaýdyń maqsaty  men mindeti: memlekettik tildiń qoldanylý aıasyn keńeıtý, talantty jastardy jan-jaqty qoldaý, «jyr-terme» ulttyq janryn jastardyń arasynda keńinen nasıhattaý, ulttyq janrdy jańǵyrtý jáne damytý, qazaqtyń ulttyq mádenıeti men ónerin damytý, halyq arasynda ulttyq muramyzǵa jáne  rýhanı qundylyqtarymyzǵa degen qyzyǵýshylyqty arttyrý.

Baıqaýdyń sharttary: Baıqaýǵa qatysýshy úmitkerlerge kelesi taqyryptyq baǵyttar usynylady:

– Jastyq, ómir týraly;

– Týǵan jer, qazaq eli, Otan týraly;

– El birligi, máńgilik el, til týraly.

Atalǵan baıqaýǵa belgili qoǵam qaıratkerleri men zııaly qaýym ókilderi qazylyq etedi. Baıqaýǵa qatysýshylardyń ónerin baǵalaý kezinde olardyń terme oryndaýshylyq sheberligine, daýys mánerine jáne til tazalyǵyna, mátindi tańdaý talǵamyna, sahnada ózin-ózi ustaýyna, kıim sánine basa nazar aýdarylady.

Baıqaýdyń júldegerleri men qatysýshylary arnaıy dıplomdarmen, alǵys hattarmen, aqshalaı syılyqtarmen marapattalady.

Baıqaýdyń júlde qory:

bas júlde 200 000 (eki júz myń) teńge;

I dárejeli dıplom 150 000 (júz elý myń) teńge;

II dárejeli dıplom 100 000 (júz myń) teńge;

III dárejeli dıplom 70 000 (jetpis myń) teńge.

nomınasııa –  35 000 (otyz bes myń) teńgeden 2 adamǵa;

yntalandyrý syılyqtary 30 000 (otyz myń) teńgeden 2 adamǵa.

 

О́tetin orny: Abaı atyndaǵy QazUPÝ-dyń №5 oqý ǵımaratynyń AKT zaly

О́tetin ýaqyty: 2019 jyly 15 qazan kúni saǵat 14.00

Kelem deýshilerge esik ashyq, Kirý tegin

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir