Semeıde ekologııalyq aksııa ótti

Jyl saıyn 6 qazanda Dúnıejúzilik qorshaǵan ortany qorǵaý halyqaralyq kúni atap ótiledi. Qala mektepterinde ekologııa jáne bilim mınıstrlieteriniń uıymdastyrýymen "Eko-saǵat" ótti. "Eko-saǵatty  – qazir basta" bul – aýqymdy aksııanyń basty urany.

Aksııa ótkizýge sheshim qabyldaǵan mektepterdiń biri №38 gımnazııa boldy. "Eko-saǵat" sheńberinde 1-11 synyp oqýshylary úshin ustazdar balalarǵa basty ekologııalyq problemalardyń biri – Álemdik muhıttyń lastanýy týraly arnaıy sabaqtar ótkizdi. Lastanǵan akvarıýmnyń kómegimen muǵalimder qazirgi ýaqytta álemdik muhıt pen ǵalamshar aýqymynda ne bolyp jatqanyn kórsete aldy.

– Biz ósip kele jatqan urpaqty mektep kezinen tárbıeleýge jáne balalarǵa ekologııaǵa qatysty belsendi azamattyq ustanym qalyptastyrýǵa mindettimiz, óıtkeni balalar – bul bizdiń bolashaǵymyz, – deıdi mektep dırektorynyń oqý-tárbıe isi jónindegi orynbasary Valerıı Galýshko.

Aksııaǵa qala ákimi Ermak Sálimov qatysty. Qala basshysy mektepke baryp, ashyq sabaqtyń qonaǵy boldy.

–  О́mirde bir ret bolsyn balanyń kóshede kámpıtti ashyp,  qoqysty jerge tastaǵanyn kórgen shyǵarmyz.Mine,osy kórinisti kórgen ár bala osy jaman ádetke daǵdylanyp,  artynan bireý jınaıdy dep oılaıdy. Joq, ár tazalyqty adam ózinen bastaý kerek, – dedi ákim óz sózinde.

Qala basshysy kelesi jyly qala basshylyǵy qatty turmystyq qaldyqtardy bólýmen aınalysatynyn atap ótti.

– Kelesi jyly qoqysty bólý úshin QTQ jınaýmen aınalysamyz. Búgingi kúni bul zattardy naqty  zań bar. Qoqystardy bóletin oryndar bolýy kerek; ony tasymaldaýǵa bolatyn kólik bolýy kerek; sońynda qoqysty qaıta óńdeý kerek, – dedi Ermak Sálimov.