• USD 389.52
  • EUR 429.21
  • RUB 6.07
  • CNY 54.94
19 Qazan, 16:17:37
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 NEWS

Marshrýttyq jeliler jańartylǵan Semeıde jańa problemalar paıda boldy

Semeıde avtobýs júrgizýshileri jalaqy tóleýdiń jańa júıesine razy emes. Kún saıynǵy tabysqa úırengen olarǵa endi jalaqy aı saıyn bank kartasyna aýdarylatyn bolady. Jańashyldyqqa narazy 30-ǵa jýyq júrgizýshi jumysqa shyqpady. Olardyń kópshiligi resmı túrde jumys istegisi kelmeıdi. О́ıtkeni olardyń tabysy eń tómengi kúnkóris deńgeıinen artyp ketip, alyp otyrǵan ataýly áleýmettik kómekten qaǵylady eken.

Baspasóz konferensııasynda kólik bóliminiń ókilderi júrgizýshi kadrlarynyń jetispeýshiligi avtoparktiń basty problemalarynyń biri ekenin moıyndady.

– Búgingi kúni bizde turaqty jumys istep jatqan 154 júrgizýshi bar. Taǵy 80 júrgizýshini alýdy josparlap otyrmyz.  Olar jalpy 340 bolýy kerek, – dep túsindirdi avtopark dırektory Asqar Zııadanov.

Kezdesýde sondaı-aq, qazirgi tańda avtobýs parkinde jalaqy tolyq kólemde jáne ýaqytynda tólenetindigin habarlady. Júrgizýshiler men kondýktorlardy jumysqa ornalastyrý kezinde eńbekaqy tóleý jáne jumys rejımi naqty jazylǵan pýnktterimen shart jasalady. Jalaqyny esepteý kezinde  barlyq zeınetaqy, tabys salyǵy jáne medısınalyq saqtandyrý eskeriledi.

Degenmen, qala turǵyndaryn qyzmet kórsetý sapasy da tolǵandyrady. Kóptegen jolaýshylar "tańnan keshki saǵat 22:00-ge deıin jumys isteıtin júrgizýshiler sharshaý saldarynan joldaǵy jaǵdaıdy baqylaı almaıdy jáne sol arqyly jolaýshylardyń ómiri men densaýlyǵyna qaýip tóndiredi" dep qorqady. Sondyqtan júrgizýshiler aýysyp, eki aýysymda jumys isteı alýy úshin jańa kesteni jasaý áldeqaıda tıimdi jáne qaýipsiz bolar edi.

– Júrgizýshiler eki aýysymda jumys isteý úshin júrgizýshiler shtatyn eki esege arttyrý kerek. Adamdar bizge keletin bolsa, biz oǵan múmkindik bere alamyz. Júrgizýshi kún saıyn tańǵy saǵat 5-ten keshke deıin jumys istemeıdi. Buryn aıaqtalatyn grafıkter bar. Dıspetcherler munyń bárin retteıdi. Qozǵalys kestesinde  eki túski as qarastyrylǵan. Osy ýaqyt ishinde olar  tynyǵa alady, – dep sendirdi konferensııada.

Sonymen qatar, jelige shyǵar aldynda árbir júrgizýshi mindetti túrde medısınalyq tekserýden ótedi. Eger densaýlyǵyna baılanysty qandaı da bir aqaýlar tabylǵan jaǵdaıda, júrgizýshi jumystan bosatylady jáne ýchaskelik dárigerge jiberiledi.

Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir